បង្កើតព្រឹត្តិការណ៍កីឡាលើភ្នំដងរែកដែលជាទីតាំងចុងក្រោយរបស់ខ្មែរក្រហម
ភ្នំពេញ:ឯកឧត្តមវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា បានប្រកាសជាផ្លូវការហើយថានឹងរៀបចំព្រឹត្តិការណ៍កីឡា នៅតំបន់ប្រវត្តិសាស្រ្តភ្នំជាំដែលជាទីតាំង ចុងក្រោយរបស់ខ្មែរក្រហម ឲ្យបានមុនទិវា បុណ្យជាតិលើទី៤០នៃថ្ងៃរំដោះ៧មករា ។
លោកបានបញ្ជាក់ថា នេះជាទីតាំងចុងក្រោយរបស់ខ្មែរដែលទីនេះ ជាកន្លែងប្រជុំរបស់មេដឹកនាំកំពូលខ្មែរក្រហម ជាកន្លែងបញ្ចុះ សពមេខ្មែរក្រហមសុន សេនហើយក៏ជាផ្ទះរបស់តាម៉ុក និងកន្លែងបញ្ចុះសពប៉ុល ពតទៀតផង ។
មិនតែប៉ុណ្ណោះទីនោះក៏ជាជោគជ័យរបស់ សម្ដេចអគ្គមហាសេបតីតេជោហ៊ុន សែនក្នុងការអនុវត្តន៍នយោបាយឈ្នះ!ឈ្នះដែរ ។
សព្វថ្ងៃទីនេះបណ្ដាអ្នកស្រាវជ្រាវ អង្គទូតនិង ជនបរទេសគេចូលចិត្តទៅទស្សនា និង សិក្សាពីទីនោះណាស់ហេតុនេះ ហើយទើបក្រសួងទេសចរណ៍ និង គណៈកម្មាធិការជាតិអូឡាំពិក កម្ពុជាសហការណ៍គ្នាជាមួយអាជ្ញាធរខេត្ត
ស្រុកដើម្បីរៀបចំព្រឹត្តិការណ៍កីឡា នៅទីនោះដើម្បីឲ្យអ្នកស្រករក្រោយ បានដឹងនិងពីរបបឃោរឃៅរបស់ខ្មែរក្រហមនោះ ។
នៅទីនោះប្រភេទកីឡាដែលអាចដាក់ឲ្យលេង បានគឺរត់ឡើងភ្នំ និងដើរឡើងភ្នំដោយ កាន់ឈើច្រត់ចំនួន២ដើម្បីជួយទប់ខ្លួនដើម្បីឡើងភ្នំ ។ ប្រភេទកីឡានេះនៅ បរទេសគេចូលចិត្តលេងណាស់។