នរណាជាជើងខ្លាំងទី១៣ និង ទី១៤

​ភ្នំពេញ:ព្រឹត្តិការណ៍TV5 Boxing Knock-Out Serie by K-Cementវគ្គជម្រុះជុំទី១ដែលមានអ្នកប្រដាល់
ចូលរួមចំនួន៣២រូបមកពី៣២ក្លិប សមាគមទូទាំងប្រទេសនោះកាន់តែជិតបញ្ចប់ហើយ ។
​សម្រាប់ការប្រកួតជម្រុះថ្ងៃទី៨ធ្នូនេះគេនឹងរកឃើញអ្នកខ្លាំងទី១៣ និងទី១៤ដើម្បីត្រៀមឡើងប្រកួតជម្រុះនៅជុំទី២បន្តទៀត ។

រិទ្ធ ប្រាក់ប៊ិនក្លិបកងពលតូចលេខ៧០ត្រូវប្រកួតជាមួយអ្នកប្រដាល់គួន ប៊ុនហ៊ីមក្លិបពន្លឺសាមគ្គីខេត្តបាត់ដំបង
បើនរណាចាញ់អ្នកនោះខ្ទាតចេញពីការប្រកួត ឯ អ្នកឈ្នះនឹងបានទទួលកៅអីសម្រាប់ការប្រកួតជម្រុះនៅជុំទីទៀត ។
ពួកគេជាអ្នកប្រដាល់ជើងចាស់ដែលមិនត្រឹមតែមានផ្លែវ៉ៃល្អនោះទេតែគេមានចិត្តធំដូចគ្នាទៀតផង ។នរណាជាអ្នក
ដើរចេញពីការប្រកួតនៅជុំទី១នេះ ?
​ប្រកួតក្នុងព្រឹត្តិការណ៍នេះដែរអេលីត ប៊ុនសិទ្ធក្លិបឆ្មាសសែនសុខប្រកួតជាមួយអ្នកប្រដាល់ម៉ៃ សុភ័ក្ត្រមកពី
ក្លិបស្វាយរលំឬទ្ធិជ័យ ។

​ពួកគេជាអ្នកប្រដាល់ជើងថ្មីដូចគ្នាតែពួកគេឆាប់បានទទួលការគាំទ្រពីទស្សនិកជនដូចគ្នាដោយសារគេវ៉ៃហ៊ានប្ដុរ និងមានល្បិចកលមិនអន់ជាងអ្នកប្រដាល់ជើងចាស់ឡើយ ។រវាងអេលីត ប៊ុនសិទ្ធ និងម៉ៃ សុភ័ក្រ្តនរណាខ្ទាតចេញ
ពីការប្រកួត ?

​សូមបញ្ជាក់ថាមកទល់ពេលនេះមានអ្នកប្រដាល់ចំនួន១២រូបហើយដែលបានកក់កៅអីសម្រាប់ការប្រកួត
ជម្រុះនៅជុំទី២ហើយក៏មានអ្នកប្រដាល់១២រូបដែរដែលខ្ទាតចេញពីការប្រកួត ។
​ការប្រកួតជាមិត្តភាពជាមួយអ្នកប្រដាល់ថៃវិញនោះអ្នកប្រដាល់កម្ពុជាពុទ្ធ ឆាយរិទ្ធីក្លិបពុទ្ធសេរីវង្សប្រកួតជា
មួយអ្នកប្រដាល់ថៃឃុន ឡេក(Khun Lek)ដោយប្រកួតគ្នាក្នុងប្រភេទទម្ងន់៦៧គីឡូក្រាម ។