រថយន្តធុនធំនិងម៉ូតូ បុកគ្នា ស្លាប់២នាក់

ព្រះសីហនុ៖ ស្ត្រីម្នាក់បានស្លាប់នៅនឹងកន្លែង ហើយក្មេងប្រុសម្នាក់ទៀត បានរងរបួសធ្ងន់ ហើយបានស្លាប់ក្រោយបញ្ជូនទៅសង្គ្រោះ នៅប្រទេសវៀតណាម ក្នុងហេតុការណ៍គ្រោះថ្នាក់ចរាចរ រវាងរថយន្តធុនធំនិងម៉ូតូជិះឌុបគ្នា២នាក់ ក្នុងទិសដៅបញ្ច្រាសគ្នា នៅលើផ្លូវជាតិលេខ៤ ចន្លោះគីឡូម៉ែត្រលេខ១៨៤_១៨៥ ស្ថិតក្នុងភូមិបន្ទាយប្រីយ៍ ឃុំអណ្តូង ស្រុកព្រៃនប់ ខេត្តព្រះសីហនុ វេលាម៉ោងជាង៦ព្រឹកថ្ងៃទី៥ខែធ្នូឆ្នាំ២០១៨។

សមត្ថកិច្ចបានឲ្យដឹងថា អ្នកបើកបរម៉ូតូឈ្មោះ តែម ភារម្យ ភេទអាយុ១៤ឆ្នាំ ជាសិស្សអនុវិទ្យាលយ័សំរុង របួសធ្ងន់ ប៉ុន្តែសេចក្តីរាយការណ៍ចុងក្រោយបញ្ជាក់ថា យុវជនរូបនេះក៏បានស្លាប់ដែរ ក្រោយបញ្ជូនទៅសង្គ្រោះនៅប្រទេសវណាម និងមានអ្នករួមដំណើរម្នាក់ ជាកម្មកររោងចក្រមែនអ៊ូ(Man Ou Garment Co, LTE) ឈ្មោះសាន់ ក្តាម ភេទស្រី រស់នៅភូមិសំរ៉ុងលើ ឃុំសំរ៉ុង បានស្លាប់នៅនឹងកន្លែង។ ក្រោយកើតហេតុអ្នកបើកបររថយន្តបានចុះរត់គេច ហើយបច្ចុប្បន្នសមត្ថកិច្ចកំពុងបន្តនិតិវិធីស្រាវជ្រាវ។