MOUរវាងសហព័ន្ធ និងសមាគមបាល់បោះកម្ពុជា-អាមេរិកដើម្បីអភិវឌ្ឍកីឡាបាល់បោះកម្ពុជា
ភ្នំពេញ៖លោកអ៊ុកសិទ្ធិជាតិអគ្គនាយកកីឡានិងជាអនុប្រធានសហព័ន្ធកីឡាបាល់បោះកម្ពុជាបានជួបពិភាក្សាការងារជាមួយ លោក ចូវ សុខារី ប្រធានសមាគមបាល់បោះកម្ពុជា-អាមេរិក និងបានចុះ អនុស្សរណៈយោគយល់គ្នា ក្នុងការអភិវឌ្ឍកីឡាបាល់បោះកម្ពុជានាយប់ថ្ងៃទី៤ ខែធ្នូ ឆ្នាំ២០១៨នៅណាហ្គាវើល។
លោក អ៊ុកសិទ្ធិជាតិបានមានប្រសាសន៍ថា សហព័ន្ធកីឡាបាល់បោះកម្ពុជា និងសមាគមបាល់បោះកម្ពុជា-អាមេរិកបានចុះអនុស្សររណៈយោគយល់គ្នាតំាងពីខែតុលាកន្លងមកហើយជួបគ្នា នៅពេលនេះយើងពិភាក្សាក្នុងការអភិវឌ្ឍ និងពង្រឹងវិស័យកីឡាបាល់បោះកម្ពុជាបន្ថែមទៀត ដើម្បីតៀមការប្រកួតកីឡា SEA GAMES លើកទី៣ ឆ្នាំ២០២៣ ដែលកម្ពុជាម្ចាស់ផ្ទះការប្រកួត។
លោកបានបន្តថាការប្រកួតកីឡាSEA GAMESឆ្នាំ២០១៧ក្រុមបាល់បោះកម្ពុជា ទទួលបានចំណាត់ថ្នាក់លេខ៧ ជាលទ្ធផលប្រសើរមួយដែរ។កាលពីមុនកម្ពុជាទទួលជ្រើសរើសកីឡាករបាល់បោះកូនខ្មែរ រស់នៅក្រៅប្រទេសពីប្រទេសអាមេរិកកាណាដា និងអូស្រ្តាលីដោយខ្លួនឯង ប៉ុន្តែនាពេលកីឡាករបាល់បោះកូនខ្មែរ រស់នៅក្រៅប្រទេសដែលចង់ឲ្យកម្ពុជា ត្រូវទៅចុះឈ្មោះនូវសមាគមបាល់បោះកម្ពុជា-អាមេរិកនេះតែម្តង។
លោកអនុប្រធានបន្ថែមទៀតថា សហព័ន្ធមានគោលបំណងបញ្ជូនក្រុមកីឡាបាល់បោះជម្រើសកម្ពុជា ទៅធ្វើការហ្វឹកហាត់នៅអាមេរិក ជាមួយសមាគមបាល់បោះកម្ពុជា-អាមេរិក ដើម្បីតៀមការប្រកួតកីឡា SEA GAMES លើកទី៣ ឆ្នាំ២០២៣ ចំណែកគោលបំណងទី២ អាចនឹងអញ្ជើញគ្រូបង្វឹកគេមកកម្ពុជាវិញ៕