ប្រទះឃើញកាបូបមួយនៅចំំណុចប្រាសាទមេបុណ្យខាងលិចមាន កាំភ្លើងខ្លី១ដើមម៉ាក Ruger

ថ្ងៃទី ៥ ធ្នូ ២០១៨ កម្លាំងផ្នែកចល័ត នៃអង្គភាពនគរបាលការពារបេតិកភណ្ឌប្រចាំតំបន់អង្គរ បានប្រទះឃើញកាបូបមួយនៅចំំណុចប្រាសាទមេបុណ្យខាងលិច ក្នុងកាបូបនោះរួមមាន៖ កាំភ្លើងខ្លី០១ដើមម៉ាក Ruger គ្រាប់ចំនួន ២២គ្រាប់ បង់ចំនួន០២, បណ្ណសម្គាល់អាវុធខ្លីតាមខ្លួន, បណ្ណព្រំដែនកម្ពុជា-ថៃ, បណ្ណសម្គាល់យានយន្ត០២, អត្តសញ្ញាណបណ្ណសញ្ជាតិខ្មែរ០១, បណ្ណបើកបរ, កាតATM, បណ្ណសម្គាល់មន្ត្រីរាជការគយនិងរដ្ឋាករកម្ពុជា, បណ្ណធនាគារ, នាមកាត, រូបថត៣x៤ ០១សន្លឹក ៤x៦ ០១សន្លឹក ដែលមានឈ្មោះ តូច រៀប ភេទប្រុស អាយុ ៤៩ឆ្នាំ មានទីលំនៅបច្ចុប្បន្ន នៅរាជធានី កម្លាំងយើងក៏បានធ្វើការប្រគល់សម្ភារៈទាំងនោះជូនម្ចាស់វិញហើយ។