ចាប់ខ្លួនស្រ្តីមេឈ្មួញគ្រឿងញៀនធំម្នាក់នៅសង្កាត់អូរឫស្សី

បន្ទាប់ពីបានកំណត់មុខសញ្ញា ស្រាវជ្រាវស្រ្តី ជាមុខសញ្ញាក្នុងអំពើ ជួញដូរគ្រឿងញៀនម្នាក់នេះ ត្រូវបាននគរបាលក្រុងក្រចេះ ធ្វើការចាប់ខ្លួនបាននៅថ្ងៃទី៥ ធ្នូ នៅក្នុងលំនៅឋានមួយកន្លែង នៅភូមិកាប៉ូ សង្កាត់អូរឫស្សី ក្រុងក្រចេះ។
អធិការនគរបាលក្រុងក្រចេះ ​លោកវរសេនីយ៍ឯក នេត លីន បានឲ្យដឹងថា ស្រ្តីសង្ស័យដែលនគរបាល កំណត់ថាជាមុខសញ្ញគ្រឿងញៀន ទ្រង់ទ្រាយធំ និងក៏ត្រូវបានស្រាវជ្រាវ ឈានចាប់ខ្លួនបាននេះ ឈ្មោះ លន់ ឡៃ អាយុ៣៨ឆ្នាំ មានមុខរបរមិនពិតប្រាកដ រស់នៅផ្ទះ ដែលចាប់ខ្លួនខាងលើ។
ក្នុងការចុះទៅចាប់ខ្លួន ពីកម្លាំងនគរបាលក្រោម ការដឹកនាំពីស្ថាប័នអយ្យការខេត្ត នៅថ្ងៃនោះ សមត្ថកិច្ចបានស្រាវជ្រាវ រកឃើញមានគ្រឿងញៀន មួយចំនួនធំ៕