គណៈបញ្ជាការឯកភាពខណ្ឌចំការមន ចុះរៀបចំសណ្តាប់ធ្នាប់ ដកហូតសម្ភារៈមួយចំនួន

ភ្នំពេញ៖ នៅព្រឹកថ្ងៃព្រហស្បត្តិ៍ ទី៦ខែធ្នូឆ្នាំ២០១៨ កម្លាំងគណៈបញ្ជាការឯកភាពខណ្ឌចំការមន ដឹកនាំដោយលោក ព្រុំ សំខាន់ អភិបាលខណ្ឌចំការមន លោកវរសេនីយ៍ឯក យិន សាន អធិការខណ្ឌចំការមន លោក វរសេនីយ៍ទោ កែវ សារុន អធិការរងខណ្ឌចំការមន បានចុះរៀបចំសណ្តាប់ធ្នាប់ តាមបណ្តោយផ្លូវព្រះមុនីវង្ស ពីស្តុបពេទ្យចិនដល់ស្តុប៣១០ ដេញអ្នកលក់ដូរ តាមដងផ្លូវ មិនឲ្យលក់ និងណែនាំពួកគាត់ឲ្យរកទីតាំងថ្មី ហើយជាលទ្ធផល កម្លាំងសមត្ថកិច្ចបានដកហូតសម្ភារៈមួយចំនួនដូចខាងក្រោម ៖ ធុងទឹកកកចំនួន ១
ស្នប់ប៉ះកង់ចំនួន ១ តុអ៊ីណុកចំនួន១ ផ្លាកយីហោចំនួន ៥ ចង្រ្កានចំនួន ៣និង សម្ភារៈទាំងនេះប្រគល់ឲ្យសាលាខណ្ឌចំការមន៕