ក្រុមការងារជួសជុលថែទាំផ្លូវថ្នល់របស់ មន្ទីរសាធារណការព្រះវិហារ បន្តថែទាំជួសជុលបង្កោលសុវត្ថិភាព លើកំណាត់ផ្លូវជាតិលេខ៦២
ព្រះវិហារ៖ ក្រុមការងារជួសជុលថែទាំផ្លូវថ្នល់របស់ មន្ទីរសាធារណការ និងដឹកជញ្ជូនខេត្តព្រះវិហារ នៅថ្ងៃទី១០ធ្នូ២០១៨នេះបាននឹងកំពុង បន្តថែទាំជួសជុលបង្កោលសុវត្ថិភាព លើកំណាត់ផ្លូវជាតិលេខ៦២ ដើម្បីសម្រួលក៏ដូចជាបង្កភាពងាយស្រួលដល់ប្រជាពលរដ្ឋ ក្នុងការធ្វើដំណើរ ប្រកបដោយសុវត្ថិភាព។
លោកសំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានអោយដឹងថា នៅថ្ងៃទី១០ធ្នូ២០១៨នេះក្រុមការងារជួសជុលថែទាំផ្លូវថ្នល់របស់ មន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុង បន្តថែទាំជួសជុលបង្កោលសុវត្ថិភាព លើកំណាត់ផ្លូវជាតិលេខ៦២ ចន្លោះគីឡូម៉ែត្រ ៣៦(ព្រំប្រទល់ព្រះវិហារ-កំពង់ធំ) ដល់គីឡូម៉ែត្រ ១២៨(ក្រុងព្រះវិហារ)។
លោកសំ លាងទ្រី បានបញ្ជាក់ថា នៅក្នុងឆ្នាំ២០១៨នេះ កំណាត់ផ្លូវជាតិលេខ ៦២ ខាងលើ គ្រាន់តែបង្គោលសុវត្ថិភាពបាក់ដោយសារ គោលយន្ត និងរថយន្តបុកបាក់ សរុប ៥០ បង្គោល ពេលនេះក្រុមការងារបានជួសជុលរួចរាល់ ១០០% ហើយ។ដូច្នេះ សូមជូនពរ ពុកម៉ែ មាមីង បងប្អូនទាំងអស់ សូមសុខសុវត្ថិភាព ក្នុងពេលធ្វើដំណើរកម្សាន្តគ្រប់ទិសទី ទោះបីជិតឆ្ងាយក្ដី៕
