ឃាត់ខ្លួនបានជនសង្ស័យ៤នាក់ ដកហូតគ្រឿងញៀន ១៤០០គ្រាប់

រតនគិរី៖ នគរបាល ប្រឆាំងគ្រឿងញៀន ចុះបង្ក្រាបករណីជួញដូរនិង ប្រើប្រាស់ដោយខុសច្បាប់នូវសារធាតុញៀន ដោយវិធីញុះញង់ ឈានដល់ការឃាត់ខ្លួនបានជនសង្ស័យ៤នាក់ ដកហូតម្សៅក្រាមពណ៌សថ្លា សង្ស័យសារធាតុញៀនទម្ងន់២៨០,៣៣ក្រាម WYចំនួន ១៤០០គ្រាប់។

ប្រតិបត្តិការចុះបង្ក្រាបគ្រឿងញៀននេះ ធ្វើឡើងនៅវេលាម៉ោង ១និង៣០នាទីរសៀល ថ្ងៃទី១១ ខែធ្នូ ឆ្នាំ២០១៨នៅចំណុចផ្ទះមុខសញ្ញា ស្ថិតនៅភូមិតាវែងលើ ឃុំតាវែងលើ ស្រុកតាវែង ។
កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត បានឲ្យដឹងថា កម្លាំងជំនាញសហការជាមួយកម្លាំងអធិការដ្ឋាននគរបាលស្រុក កម្លាំងយោធាស្រុកនិង កម្លាំងប៉េអឹមស្រុកតាវែង បានធ្វើការឆែកឆេររកឃើញម្សៅក្រាមពណ៌សថ្លាសង្ស័យសារធាតុញៀន ដកហូតវត្ថុតាងរួមមាន៖
ម្សៅក្រាមពណ៌សថ្លាសង្ស័យសារធាតុញៀនចំនួន៣ថង់ធំ និង១កញ្ចប់តូច
ទម្ងន់២៨០.៣៣ក្រាមទ WYចំនួន៧ថង់ ស្មើរនិង ១៤០០គ្រាប់
ដាវសាំម៉ូរៃ១ដើម ម៉ូតូ៣គ្រឿង ទូរស័ព្ទដៃ១គ្រឿង ។
ជនសង្ស័យត្រូវបានឃាត់ខ្លួន រួមមាន៖ ឈ្មោះ តាំង សុធី ភេទប្រុស អាយុ៣៧ឆ្នាំ ឈ្មោះ ហូយ សុថៃ ភេទប្រុស អាយុ១៧ឆ្នាំ ឈ្មោះ នួន វណ្ណៈ ភេទប្រុស អាយុ៣៦ឆ្នាំនិងឈ្មោះ អូន ឆេន ភេទប្រុស អាយុ៣៤ឆ្នាំ ជនជាតិខ្មែរ។
ក្រោយពីបានឃាត់ខ្លួនជនសង្ស័យបានធ្វើតេស្តទឹកនោមលទ្ធផលវិជ្ជមាន៣នាក់ អវិជ្ជមាន ១នាក់។

បច្ចុប្បន្នជនសង្ស័យ រួមទាំងវត្ថុតាង ត្រូវបានឃាត់ និងរក្សាទុកបណ្ដោះអាសន្ន នៅការិយាល័យជំនាញ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្ត ចាត់ការតាមនិតិវិធីច្បាប់ ៕