ឃាត់ខ្លួនជនជាតិចិន៣នាក់ ពាក់ព័ន្ធបទល្មើសគ្រឿងញៀន
ព្រះសីហនុ ៖កម្លាំងជំនាញការិយាល័យនគរបាលប្រឆាំងគ្រឿងញៀន បានបង្ក្រាបបទល្មើសគ្រឿងញៀន១ករណី ដោយបានឃាត់ខ្លួនជនជាតិចិន៣នាក់ ប្រព្រឹត្តនៅចំណុចក្រុម១ ភូមិ៤ សង្កាត់លេខ៤ ក្រុង/ខេត្តព្រះសីហនុ នាថ្ងៃទី១២ ខែធ្នូ ឆ្នាំ២០១៨ វេលាម៉ោង១០។
ជនសង្ស័យឈ្មោះ A FENG ភេទប្រុស អាយុ៣២ ឆ្នាំ ជនជាតិចិន សញ្ជាតិចិន ស្នាក់នៅបណ្តោះអាសន្នសង្កាត់៤ ក្រុង/ខេត្តព្រះសីហនុ រួមនឹងវត្ថុតាងចាប់យកបានមាន ៖ ១-ម្សៅក្រាមសថ្លាសង្ស័យជាសារធាតុញៀន ចំនួន០២កញ្ចប់ , ២-ទូរស័ព្ទដៃ ចំនួន ០១ គ្រឿង ។
បន្ទាប់មក ថ្ងៃទី១៣ ខែធ្នូ ឆ្នាំ២០១៨ វេលាម៉ោង១និង៣០នាទី ឈ្មោះ A FENG បានសហការ និងភ្ញាក់រលឹកចូលរួមសមត្ថកិច្ចបន្តឈានទៅឃាត់ជនសង្ស័យ ចំនួន២នាក់ទៀត ៖ ទី១-ឈ្មោះ PANJUN ភេទប្រុស អាយុ៣៥ឆ្នាំ និង២-ឈ្មោះ DU DE YOUNG ភេទប្រុស ឆ្នាំអាយុ៣០ឆ្នាំ ស្ថិតនៅចំណុច ក្រុម១១ ភូមិ២ សង្កាត់លេខ២ ក្រុង/ខេត្តព្រះសីហនុ ។
បន្តមក កម្លាំងកម្លាំងសមត្ថកិច្ចបានឆែកឆេររកឃើញមានវត្ថុតាងរួមមាន ៖ ១-ម្សៅក្រាមសថ្លាសង្ស័យជាសារធាតុញៀន ចំនួន ១៧ កញ្ចប់ , ២-ម្សៅម៉ត់សថ្លាសង្ស័យជាសារធាតុញៀន ចំនួន ១៣ កញ្ចប់ , ៣-ប្រភេទថ្នាំគ្រាប់ ចំនួន ៩០ គ្រាប់ , ៣-ទូរស័ព្ទដៃ ចំនួន ០២ គ្រឿង ។
បច្ចុប្បន្ន កម្លាំងជំនាញបានកសាងសំណុំរឿងអនុវត្តបន្តតាមនីតិវិធី ៕