រថយន្ដមួយគ្រឿងបោលបុកទ្រូងផ្លូវ រួញអស់មួយកំណាត់មុខ តែមិនបណ្ដាលអោយមានគ្រោះថ្នាក់ដល់មនុស្ស

ភ្នំពេញ៖ រថយន្ដម៉ាកព្រូសពណ៏ស្កសេរីឆ្នាំ២០០៤ពាក់ផ្លាកលេខភ្នំពេញ2AC ២៣៧៦មួយគ្រឿង បានទទួលរងការខូចខាតដោយរួញអស់មួយកំណាត់មុខ ខណៈដែលម្ចាស់របស់វា បើកទៅបុកទ្រូងចែកផ្លូវបណ្ដាលអោយរបើកអស់ចំនួន១ផ្អាំងនោះ តែក្នុងហេតុការណ៍នេះមិនបានបណ្ដាលអោយគ្រោះថ្នាក់ដល់មនុស្សនោះទេ។

    ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីយប់ថ្ងៃទី១៤ខែធ្នូឆ្នាំ២០១៨វេលាម៉ោងប្រហែល១និង០០នាទីរំលងអាធ្រាត នៅតាមបណ្ដោយផ្លូវ១២៨ កែងផ្លូវ២៥៣  ស្ថិតក្នុងសង្កាត់ទឹកល្អក់ទី១ ខណ្ឌទួលគោក។

   រថយន្តបង្កត្រូវបានប៉ូលីសបញ្ជាក់ថា ជារថយន្តធុនតូច

 ម៉ាកព្រូសពណ៏ស្កសេរីឆ្នាំ២០០៤ពាក់ផ្លាកលេខភ្នំពេញ2AC ២៣៧៦ ដោយបានបើកបរក្នុងល្បឿនលឿនតាមបណ្ដោយផ្លូវ១២៨ក្នុងទិសដៅពីទិសខាងកើតមកលិច លុះមកដល់កែងផ្លូវ២៥៣ក៏បុកទ្រូងចែកផ្លូវបណ្ដាលអោយរបើករបាំងថ្មពុះចែកទ្រូងផ្លូវអស់ចំនួន១ផ្អាំងនិងរថយន្ដខូចខាតខាងមុខ តែមិនបណ្ដាលអោយគ្រោះថ្នាក់ដល់មនុស្សទេ។

    ក្រោយពេលកើតហេតុរថយន្ដខាងលើត្រូវបាន ប៉ូលីសមូលដ្ឋានប្រគល់អោយផ្នែកជុំនាញចរាចរណ៍ជើងគោករាជធានីភ្នំពេញធ្វើការវាស់វែងនិងចាត់ការទៅតាមនីតិវិធីផ្លូវច្បាប់៕