អាវុធហត្ថស្រុកកូនមុំ បង្រ្កាបរថយន្តដឹកឈើ គ្មានលិខិតអនុញ្ញាត

រតនគិរី៖ កម្លាំងមូលដ្ឋានកងរាជអាវុធហត្ថស្រុកកូនមុំ បានឲ្យដឹងថា ថ្ងៃពុធ ទី១២ ខែធ្នូ ឆ្នាំ២០១៨ នៅចំណុចនិយាមកាលេខ 0702742;1505441 ស្ថិតក្នុងភូមិ4 (គ60) ឃុំត្រពាំងច្រេស ស្រុកកូនមុំ ខេត្តរតនគិរី កម្លាំងមូលដ្ឋានកងរាជអាវុធហត្ថស្រុកកូនមុំ សហការជាមួយរដ្ឋបាលព្រៃឈើប្រចាំស្រុកកូនមុំ ចុះបង្ក្រាបបានរថយន្តកាម៉ារីពណ៌ទឹកប្រាក់ ពាក់ស្លាកលេខគ4662ភ.ព2 កែច្នៃដឹកឈើចំនួន ១គ្រឿងមានឈើកកោះចំនួន ២១សន្លឹក។
បច្ចុប្បន្នវត្ថុតាង(ឈើនិងរថយន្ត) បញ្ជូនទៅរក្សាទុកនៅផ្នែករដ្ឋបាលព្រៃឈើ ស្រុកកូនមុំ ខេត្តរតនគិរី។

ចំណែក នៅថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកអណ្តូងមាស សហការជាមួយកម្លាំងរដ្ឋបាលព្រៃឈើស្រុកអណ្តូងមាស បានបង្រ្កាបបទល្មើសព្រៃឈើប្រភេទ (ស្រឡៅ) នៅចំណុច (42788.55456) ភូមិមុយ ឃុំញ៉ាង ស្រុកអណ្តូងមាស ដែលឈ្មួញដឹកមករក្សាទុកក្នុងភូមិសាស្រ្ត។
បច្ចុប្បន្ន កម្លាំងបានសហការដឹកជញ្ចួនមករក្សាទុកនៅស្នាក់ការសន្តិសុខ ៧៨៧ ដើម្បីធ្វើការវាស់វែង៕