ឃើញឱកាសល្អជនសង្ស័យបីនាក់ចូល គាស់ផ្ទះលួចសម្ភារតែសំណាងអាក្រក់ម្ចាស់ មកទាន់ចាប់បានម្នាក់២នាក់គេចបាត់
ភ្នំពេញៈ ប្រជាពលរដ្ឋព័ទ្ធចាប់បានជនសង្ស័យម្នាក់ក្នុង ចំណោមបក្ខពួក៣នាក់ ខណៈពួកគេចូលធ្វើសកម្មភាព គាស់ផ្ទះប្រជាពលរដ្ឋចូលលួច សម្ភារហើយម្ចាស់គេមកទាន់ ។ ដោយហេតុការណ៍នេះបង្ក ការភ្ញាក់ផ្អើលការពីព្រឹកថ្ងៃទី ១៨ ខែ ធ្នូ ឆ្នាំ ២០១៨ ស្ថិតនៅតាមបណ្តោយ ផ្លូវទំនប់៧មករា ភូមិពាន សង្កាត់ព្រៃស ខណ្ឌដង្កោ រាជធានីភ្នំពេញ ។
បើតាមការរៀបរាប់របស់ស្ត្រីដែលជាម្ចាស់ផ្ទះបានអោយដឹងថា មុនពេលកើតហេតុរូបគាត់ បានជិះម៉ូតូទៅផ្សារដើម្បីទិញម្ហូបដោយ ចាក់សោរទ្វាផ្ទះចោល លុះពេលត្រឡប់មកវិញ ឃើញជនសង្ស័យ២នាក់ឈរយាម នៅខាងមុខផ្ទះគាត់ ភ្លាមៗនោះគាត់ក៏ឆោឡោបង្ក អោយជនសង្ស័យ២នាក់រត់គេចខ្លួនបាត់ ចំណែកជនសង្ស័យម្នាក់ទៀតដែល កំពុងសង្ងំកកាយលួចសម្ភារក្នុងផ្ទះ ត្រូវបានម្ចាស់ផ្ទះនឹងប្រជាពលរដ្ឋព័ទ្ធចាប់ បានប្រគល់អោយសមត្ថកិច្ចនគរបាលប៉ុស្តិព្រៃស ។ ស្ត្រីខាងលើបន្តថាផ្ទះរបស់គាត់ មិនមែនលើកទី១មួយទេដែលត្រូវចោរគាស់យកសម្ភារ គឺ៣លើកទាំងនេះ ប៉ុន្តែសំណាងលើកនេះគាត់មកទាន់ក៏ចាប់បានជនសង្ស័យតែម្តងទៅ។
ក្រោយមានករណីនេះកម្លាំងព្រហ្មទណ្ឌខណ្ឌដង្កោ សហការជាមួយកម្លាំង នគរបាលប៉ុស្តិរដ្ឋបាលព្រៃស បានចុះដល់ទីតាំងកើតហេតុនឹង បាននាំខ្លួនជនសង្ស័យនោះ ទៅការប៉ុស្តិរដ្ឋបាលដើម្បីធ្វើការសាកសួរ តាមចាប់បក្ខពួកពីរនាក់ទៀតយកមកផ្តន្ទាទោសតាមនីតិវិធីច្បាប់៕
