ប្រភពព័ត៌មានទាន់ហេតុការណ៍ក្រុងភ្នំពេញ

សត្វខ្លាចូលខាំគោមួយក្បាលងាប់ នៅស្រុកសំឡូត

310


បាត់ដំបង ៖ ​ ប្រជាពលរដ្ឋឃុំកំពង់ល្ពៅ ​ស្រុកសំឡូត បានអះអាងថា ករណីមានគោមួយក្បាលដេកងាប់ ដោយមានស្មានរបួសលើខ្នង និងបាក់កនោះ ដោយសារសត្វខ្លាដ៏ធំមួយមកខាំ។ ហេតុការណ៍នេះ តែងកើតឡើងជាច្រើនដងរួចមកហើយ ទើបធ្វើ​ឲ្យពួកគាត់មានក្តីបារម្ភខ្លាំង ចំពោះសុវត្ថិភាពរបស់ពួកគាត់នៅស្រុកសំឡូត ខេត្តបាត់ដំបង ។

ប្រជាពលរដ្ឋ បានឲ្យដឹងថា ​នៅម៉ោង២យប់ ថ្ងៃទី១៨ខែធ្នូឆ្នាំ២០១៨ មានសត្វខ្លាធំមួយក្បាល បានចេញពីព្រៃ ចូលមកក្នុងភូមិ ​ហើយខាំកាច់កសម្លាប់សត្វគោ១ក្បាល របស់ឈ្មោះ ស៊ុន ភាព ភេទប្រុស អាយុ៣២ឆ្នាំ ។

អធិការនគរបាលស្រុកសំឡូត លោក កោ សុនកាំង បានថ្លែងប្រាប់ថា ពិតជាមានករណីនេះ កើតឡើងមែន ដោយសត្វខ្លាធំនោះ បានចេញពីព្រៃ ហើយ​ចូលទៅខាំ​កាច់គោមួយក្បាល បណ្ដាលឲ្យងាប់ភ្លាមៗ ​។ លោកអធិការស្រុក និងអាជ្ញាធរមូលដ្ឋាន បានអំពាវនាវឲ្យប្រជាពលរដ្ឋក្នុងមូលដ្ឋានផ្ទាល់ ត្រូវតែបង្កើនការប្រុងប្រយ័ត្ន បន្ថែមទៀត ។ អាជ្ញាធរ និងសមត្ថកិច្ច ក៏ត្រៀមលក្ខណៈ ដើម្បីទប់ស្កាត់។

ប្រពលរដ្ឋមូលដ្ឋាន បញ្ជាក់ថា ​​ដោយសារតែហេតុការណ៍នេះ តែងកើតឡើងជាច្រើនដង រួចមកហើយ ទើបធ្វើ​ឲ្យពួកគាត់ មានក្តីបារម្ភ ចំពោះសុវត្ថិភាព ​ជាពិសេសក្មេងៗ ឥឡូវ​កើតលើសត្វគោ ដូច្នេះលើក្រោយ មិនដឹងជាយ៉ាងនោះទេ៕


អត្ថបទដែលជាប់ទាក់ទង