ទស្សនិកជនមានការភ្ញាក់ផ្អើល កញ្ញា សួស វីសា បង្ហាញវត្តមានលើMVរួមគ្នាជាមួយថម មី ក្រោយ ពីធ្វើខួបស្នេហ៍ ៤ឆ្នាំ
ភ្នំពេញ ៖ ទស្សនិកជន មានការភ្ញាក់ផ្អើល និងចាប់អារម្មណ៍ យ៉ាងខ្លាំង ខណៈ តារាចម្រៀងស្រី ទ្រនំហង្សមាស កញ្ញា សួស វីសា បានទម្លាយពីទំនាក់ទំនងស្នេហា ជាមួយគូស្នេហ៍ គឺលោក ថម មី ក្រោយពីព្យាយាមលាក់បាំង អស់រយៈ ពេលជាច្រើនឆ្នាំ។ យ៉ាងណាមិញ ក្រោយពីប្រកាសចំណងស្នេហ៍ ជាសាធារណៈ ដល់មហាជន ថាតារាសម្តែង ថមមី ជាគូស្នេហ៍រួចមក ស្រាប់តែពេលនេះកញ្ញា សួស វីសា បានដឹកដៃ គូស្នេហ៍រូបនេះ ចេញថតចម្រៀង សម្ដែង MV រួមគ្នា ខណៈ កន្លងមក អ្នកទាំងពីរ គឺមិនដែលវត្តមាន សម្ដែងរួមគ្នា ទាល់តែសោះ ក្នុងការសម្ដែង។
ជាការពិតណាស់ ថ្មីៗនេះកញ្ញាសួស វីសា បានដឹកដៃ គូស្នេហ៍ មកថត MV ក្នុងបទចម្រៀងជា មួយគ្នា។ ដោយឡែក នាងមិនបានបញ្ជាក់ថា បទចម្រៀងមួយបទនេះ មានចំណងជើងថា អ្វីទេ។ ជាមួយគ្នានេះ មានការបន្ថែមថា បើសិនជាបទចម្រៀង មួយបទនេះ មានការគាំទ្រខ្លាំង កញ្ញា សួស វីសា ក៏នឹងមានសកម្មភាពថ្មីៗ ជាមួយគូស្នេហ៍ជាច្រើនទៀតផងដែរ។
ទោះបីជា ការបង្ហាញវត្តមាន លើ MV រួមគ្នា លើកទីមួយពីសំណាក់ កញ្ញា សួស វីសា និងលោក ថម មី ក្នុងបទចម្រៀងថ្មី ក៏ពិតមែន តែគេហាក់រំពឹងទុកថា ចម្រៀងមួយបទនេះ នឹងមានការគាំទ្រខ្លាំង ៕
