ការងាររៀបចំកែលំអរនៅវិមានឈ្នះៗជារួមសំរេចបាន៩៨%ហើយ ត្រៀមសម្ពោធនៅថ្ងៃទី២៩ធ្នូ ក្រោមវត្តមានដ៏ខ្ពង់ខ្ពស់ សម្តេចតេជោហ៊ុន សែន
ភ្នំពេញ៖ អាជ្ញាធររាជធានីភ្នំពេញដឹកនាំដោយលោកឃួង ស្រេង ជាអភិបាល កាលពីរាត្រីថ្ងៃអង្គារ ១១កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែធ្នូ ឆ្នាំ២០១៨នេះ បានដឹកនាំមន្ត្រីពាក់ព័ន្ធចុះពិនិត្យទីតាំងវិមានឈ្នះ ឈ្នះ ខណៈដែលក្រុមការងារបាននឹងកំពុងធ្វើសម្មភាពយ៉ាងមមាញឹកតាមតួនាទី និងភារកិច្ចរៀងៗខ្លួនដើម្បីត្រៀមសម្ពោធនៅថ្ងៃទី២៩ ធ្នូ ខាងមុខនេះ ក្រោមវត្តមានដ៏ខ្ពង់ខ្ពស់ សម្តេចតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា ។
លោកសាំ ពិសិដ្ឋ នាយកមន្ទីរសាធារការនិងដឹកជញ្ជូនរាជធានីភ្នំពេញបានឲ្យដឹងថា មានការងារជាច្រើនដែលទទួលបន្ទុកដោយរដ្ឋបាលរាជធានីភ្នំពេញដូចជាតបណ្តាញទឹក,ដាក់បង្គោលភ្លើង,តំឡើងបង្គោលហ្វា,រៀបបណ្តាញ លូ,ចាក់ផ្លូវបេតុងភ្ជាប់ច្រកចេញចូលវិមានឈ្នះៗ,ដាក់ភ្លើងបំភ្លឺតាមដើមឈើ, ឈូសឆាយស្មៅ ពង្រាបដីសំរាប់ចតយានយន្តនិងមហាជនចូលរួម,ឈូសឆាយផ្លូវក្រាលថ្មមិចចាប់ពីព្រែកតាសេកដល់ព្រែកព្នៅ,លាបគំនូសចរាចរតាមខឿនវិថី និងតំឡើងផ្ទាំងសិលាចារឹកឈ្មោះមហាវិថីឈ្នះៗចំនួន៦ផ្ទាំង។
លោកនាយកមន្ទីរសាធារណៈការបញ្ជាក់ថាការងារកែលំអរទាំងអស់ខាងលើនេះ ជារួមសំរេចបាន៩៨%ហើយ។
លោកឃួង ស្រេង ក្នុងរាត្រីនោះក៏បានណែនាំឲ្យជំនាញពាក់ពន្ធ័ទាំងអស់ ជំរុញការងារទទួលខុសត្រូវរៀងខ្លួនឲ្យសំរេចបានតាមការគ្រោងទុកដើម្បីបំរើឲ្យពិធីសម្ពោធសំរេចបានលទ្ធផលល្អប្រសើរនាចុងខែធ្នូនេះស្របតាមគុណតំលៃនៃការខិតខំពុះពារឧបសគ្គគ្រប់បែបយ៉ាងក្នុងការស្វែងរកសុខសន្តិភាពការបង្រួបបង្រួមជាតិ និងការអភិវឌ្ឍន៏នៃសមិទ្ធិផលដែលរាជរដ្ឋាភិបាលកម្ពុជាសំរេចបានលើគ្រប់វិស័យក្នុងរយៈពេល២០ឆ្នាំចុងក្រោយនេះក្រោមនយោបាយឈ្នះៗរបស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
ក្រៅពីការណែនាំនិងជម្រុញការងារខាងលើលោកឃួង ស្រេង ក៏បានធ្វើការណែនាំអោយអាជ្ញាធរខណ្ឌនិងមន្ត្រីមានសមត្ថកិច្ចទាំងអស់ត្រូវយកចិត្តទុកដាក់អោយបានខ្ពស់បំផុតលើបញ្ហាសន្តិសុខ និងសំណ្តាប់ធ្នាប់ ពិសេសគឺទីតាំងសម្រាប់ចតរថយន្តនៅក្នុងពិធីនេះតែម្តង ពោលគឺការងារនេះត្រូវធ្វើឡើងដោយភាពម៉ត់ចត់និងជោគជ័យ។
គួបញ្ជាក់ថា អនុគណៈកម្មការទាំង៨ដែលត្រូវបានរៀបចំ និងទទួលខុសត្រូវតាមផ្នែករៀងខ្លួនរួមមានការសម្តែងសិល្បះវប្បធម៏ប្រពៃណី ខ្មែរ,ការតាំងពិពណ៏ផលិតផលក្នុងស្រុក,កម្មវិធីប្រកួតកីឡា រួមនឹងកម្មវិធីផ្សេងៗ ជាច្រើនទៀត ហើយក៏ស្របពេលដែលរាជរដ្ឋាភិបាលប្រារព្វពិធីឆ្លងឆ្នាំសកលនៅនឹងវិមានឈ្នះៗដែរដែលស្ថិតក្នុងតំបន់អភិវឌ្ឍន៏លីយ៉ុងផាត់ ខណ្ឌជ្រោយចង្វារាជធានីភ្នំពេញរយៈពេល៣ថ្ងៃ៣យប់គឺចាប់ពីថ្ងៃទី២៩,៣០,៣១ធ្នូឆ្នាំ២០១៨ និងយប់ថ្ងៃទី១ខែមករា ឆ្នាំ២០១៩ដែលជាយប់ឆ្លងឆ្នាំសកលក្រោមអធិបតីភាពដ៏ ខ្ពង់ខ្ពស់សម្តេចអគ្គមហាសេនាបតីតេជោហ៊ុនសែន និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែនដោយមានការផ្សាយបន្តផ្ទាល់តាមកញ្ជក់ទូរទស្សន៏ក្នុងស្រុក និងផ្សាយចេញទៅក្រៅប្រទេសពីពិធីដ៏មានអត្ថន័យនេះផងដែរ។សូមជំរាបថា៖ វិមានឈ្នះៗ បានចាប់ផ្តើមសាងសង់ឡើងកាលពីខែកុម្ភះ ឆ្នាំ២០១៦ លើទំហំផ្ទៃ ដី៨ហិកតាស្ថិតក្នុងខណ្ឌជ្រោយចង្វា រាជធានីភ្នំពេញក្នុងគោលបំណងរំលឹកដល់ គុណូបការៈរបស់បុព្វបុរសខ្មែរគ្រប់សម័យកាល ដែលបានលះបង់ជីវិតក្នុងបុព្វហេតុជាតិមាតុភូមិ និងជានិមិត្តរូបនៃសុខសន្តិភាពដែលកម្ពុជាទទួលបានក្រោយ ពីបញ្ចប់សង្រ្គាមស៊ីវិលដ៏រ៉ាំរៃជាច្រើនទស្សវត្សរ៏កន្លងមក ហើយវិមានឈ្នះៗនេះ ក៏នឹងក្លាយជាមរតកសំរាប់មនុស្សគ្រប់ជំនាន់ចងចាំពីតំលៃនៃសន្តិភាពដែលមានសម្តេចអគ្គមហាសេនាបតិតេជោហ៊ុនសែន ជាស្ថាបនិកនៃសន្តិភាពសំរាប់កម្ពុជា ដែលធ្វើឲ្យកម្ពុជាមានឧិកាសក្នុងការអភិវឌ្ឍន៏រីកចំរើន។
សូមជម្រាបថា រយៈពេល៣ថ្ងៃ នៃពិធី សម្ភោធ និង ឆ្លងឆ្នាំសកល នៅវិមានឈ្នះ ឈ្នះ ខាងលើ ក៏មាន ស្តង់ ដាក់តាំង បង្ហាញ តាមក្រសួងនានា និង ផលិតផល ផ្សេងៗប្រមាណ ៦០០ស្តង ។ សូមបញ្ជាក់ថា វិមានឈ្នះឈ្នះ សាងសង់យកគំរូ តាមរចនាបទប្រាង្គប្រាសា ទនានា ទុកជាមរតក សម្រាប់កូនខ្មែរ ជំនាន់ក្រោយ គឺមានកម្ពស់ ប្រមាណ៥៤ម៉ែត្រ ទទឹង៣៦ម៉ែត្រ។ វិមាននេះសាង សង់លើផ្ទៃដីសរុបចំនួន ៨ ហិចតាស្ថិតនៅក្នុងសង្កាត់បាក់ ខែង ខណ្ឌជ្រោយចង្វា រាជធានីភ្នំពេញ៕
