អង់គ្លេស ឆ្លើយតបថា រដ្ឋឥស្លាមជ្រុលនិយម នៅតែជាការគម្រាមកំហែង ខណៈអាមេរិក លើកឡើងថា ពួកសកម្មប្រយុទ្ធ បានបរាជ័យ នៅស៊ីរី

បរទេស៖ ជាការឆ្លើយតប ទៅនឹងការលើកឡើង របស់លោក ត្រាំ ថា ក្រុមពួកសកម្មប្រយុទ្ធ ត្រូវបានបរាជ័យ នៅប្រទេសស៊ីរីខាងអង់គ្លេស បានលើកឡើងវិញ នាថ្ងៃពុធនេះថា ក្រុមរដ្ឋឥស្លាមជ្រុលនិយម នៅតែជាការគម្រាមកំហែងមួយ បើទោះជាក្រុមនេះគ្មានទឹកដីកាន់កាប់ ។

ក្រោយសហរដ្ឋអាមេរិក ចាប់ផ្តើមដកងទ័ពចេញពីប្រទេសស៊ីរី ការិយាល័យបរទេស បាននិយាយក្នុងសេចក្តីថ្លែងការណ៍មួយថា “នៅមានរឿងជាច្រើនទៀត ដែលនៅត្រូវធ្វើ ហើយយើងមិនត្រូវ បាត់បង់ចក្ខុវិស័យ ស្តីពីការគម្រាមកំហែង ដែលពួកគបង្កឡើងនោះឡើយ។ បើទោះជាគ្មានទឹកដីកាន់កាប់ ពួក Daesh (ក្រុមរដ្ឋឥស្លាមជ្រុលនិយម) នឹងនៅតែជាការ គម្រាមកំហែងមួយ”។

“ស្របពេល ដែលសហរដ្ឋអាមេរិក បានបញ្ជាក់យ៉ាងច្បាស់ប្រាកដនោះ ការវិវត្តទាំងនេះ នៅក្នុងប្រទេសស៊ីរី មិនបង្ហាញឲ្យឃើញ នូវការបញ្ចប់កងកម្លាំងចម្រុះ ពិភពលោក ឬក៏យុទ្ធនាការរបស់វានោះទេ គឺយើងនឹងបន្តធ្វើការងារ ជាមួយសមាជិក របស់កងកម្លាំងចម្រុះ លើការសម្រេច ឲ្យបាននូវរឿងនេះ”៕