ក្តឹបចោរប្រើកូនកាំបិត ភ្ជង់គំរាមយកទូរស័ព្ទដៃ ពីក្មេងស្រី នៅលើផ្ទះ តែត្រូវបានស្រាវជ្រាវចាប់ខ្លួន

ក្រចេះ៖ ក្តឹបចោរដៃឆៅម្នាក់ បានធ្វើសកម្មភាពលួចទូរស័ព្ទមួយគ្រឿង ពីក្មេងស្រីរងគ្រោះម្នាក់ នៅពេលនាងកំពុងតែដេកនៅលើផ្ទះម្នាក់ឯង ដោយជននេះ បានយកកូនកាំបិតភ្ជង់គំរាមលើនាង រួចយកបានទូរស័ព្ទមួយគ្រឿង ពីនាងហើយគេចខ្លួន។ តែក្រោយធ្វើសកម្មភាពរួច ក្មេងស្រីរងគ្រោះបានប្តឹងរាយការណ៍ កម្លាំងនគរបាលស្រុកស្នួល បានតាមស្រាវជ្រាវឃាត់ខ្លួន ជនរូបនេះបាននៅថ្ងៃទី២៣ ខែធ្នូ ក្រោយធ្វើសកម្មភាពបានមួយថ្ងៃ។ ជនសង្ស័យឈ្មោះ នួន ម៉េង អាយុ២២ឆ្នាំ មានទីលំនៅក្នុងឃុំស្នួល ស្រុកស្នួល និងបានធ្វើសកម្មភាព យកកូនកាំបិតភ្ជង់គំរាម យកទូរស័ព្ទដៃមួយគ្រឿងពីក្មេងស្រីរងគ្រោះអាយុ១៣ឆ្នាំ​នៅពេលនាងកំពុងតែដេកក្នុងបន្ទប់លើផ្ទះម្នាក់ឯង នៅចំណុចល្មួត ស្ថិតក្នុងភូមិប្រវ៉ាញ់ ឃុំ២ធ្នូ ស្រុកស្នួល៕