តំណាងរាស្រ្ត៥៩រូប ស្នើធ្វើវិសោធនកម្មច្បាប់ ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ

ភ្នំពេញ៖ រដ្ឋសភាបានសម្រេចទទួលយកសំណើធ្វើវិសោធនកម្ម ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ មកពិនិត្យ និងសិក្សា។ សម្ដេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នៅព្រឹក ថ្ងៃទី២៨ ខែធ្នូ ឆ្នាំ២០១៨។

បន្ទាប់ពីបានពិភាក្សាតាមរបៀបវារៈអង្គប្រជុំគណៈកម្មាធិការអចិន្រ្តៃយ៍រដ្ឋសភា បានសម្រេចប្រគល់សេចក្តីស្នើច្បាប់ ស្តីពីវិសោធនកម្មច្បាប់ ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ ដែលជាសំណើរបស់ក្រុមតំណាងរាស្រ្តហត្ថលេខីចំនួន៥៩រូប ដល់គណៈកម្មការនីតិកម្ម និងយុត្តិធម៌ នៃរដ្ឋសភា ធ្វើការពិនិត្យ និងសិក្សា។ ក្រោយការពិនិត្យសិក្សាចប់សព្វគ្រប់ គណៈកម្មការជំនាញរដ្ឋសភានេះ ត្រូវធ្វើរបាយការណ៍ជូនគណៈកម្មាធិការ អចិន្រ្តៃយ៍រដ្ឋសភាវិញ៕