នៅចំណុចអន្ទង់អាំងតូច ស្រុកបុទុមសាគរ ជាកន្លែងជើងកបឬ? បានជាមានរថយន្តក្រឡាប់ផ្ងារជើង រហូត

កោះកុង ៖ ស្នងការដ្ឋាននគរបាលខេត្តកោះកុង បានឲ្យដឹងថា នៅថ្ងៃទី២៨ ខែធ្នូ ឆ្នាំ២០១៨ វេលាម៉ោង ៩និង ២០នាទីព្រឹក មានករណីគ្រោះថ្នាក់ចរាចរ រថយន្តក្រឡាប់ផ្ងារជើងកើតឡើងដោយខ្លួនឯង លើផ្លូវជាតិលេខ ៤៨ចន្លោះបង្គោល Km ៦៦-៦៧ នៅចំណុចអន្ទង់អាំងតូច ស្ថិតក្នុងភូមិជីមាល ឃុំអណ្តូងទឹក ស្រុកបុទុមសាគរ ។

រថយន្ត ហាយឡិនឌ័រ ពណ៌ស ពាក់ស្លាកលេខ 2AN 4478 ភ្នំពេញ ទិសដៅពីរកោះកុងទៅភ្នំពេញ បើកបរដោយឈ្មោះ សៅ សុខគា ភេទប្រុស អាយុ ៣៣ឆ្នាំ ទីលំនៅ ខេត្តតាកែវ។ ​ធ្វើដំណើរមកដល់ចំណុចកើតហេតុខាងលើ បានក្រឡាប់ធ្លាក់ផ្លូវដោយខ្លួនឯង តែមិនបណ្តាលឲ្យមានគ្រោះថ្នាក់ដល់មនុស្សទេ ។ គួរបញ្ជាក់ផងដែរថា ក្នុងរថយន្តមានអ្នករួមដំណើរ ៤នាក់ ។
នគរបាលមូលដ្ឋាន បានបញ្ជាក់ថា មូលហេតុ ដោយបើកបរក្នុងស្ថានភាពល្បឿនលឿន ត្រង់ចំណុចផ្លូវកោង ៕