វ៉ូវីណាមក្រសួងការពារជាតិ ឈ្នះមេដាយច្រើនជាងគេ

​ភ្នំពេញ៖ការប្រកួតកីឡាវ៉ូវីណាមជើងឯកជាតិឆ្នាំ២០១៨ដែលចាប់ផ្ដើមពីថ្ងៃទី២៦មកនោះបានបញ្ចប់ហើយ
នៅព្រឹកថ្ងៃទី២៨ធ្នូនាមជ្ឈមណ្ឌលកីឡាកងយោធពលខេមរភូមិន្ទ ។
​លោកប៊ូ ជុំសេរីអនុរដ្ឋលេខាថិការក្រសួងអប់រំយុវជន និង កីឡា និងលោកឧត្តមសេនិយ៍ឯកតែម ម៉ឺនអគ្គលេ
ខាធិការរងគណៈកម្មាធិការជាតិអូឡាំពិកកម្ពុជា បានអញ្ជើញចូលរួមក្នុងពិធីបិទការប្រកួតនេះ ។សូមបញ្ជាក់ថានេះជា ការប្រកួតដែលប្រើប្រាស់ថវិកាក្រសួងអប់រំយុវជន និង កីឡា ។
​ការប្រកួតឆ្នាំនេះមាន១១សមាគម-ក្លិបទូទាំងប្រទេស ចូលរួមដែលមានកីឡាករចំនួន៥៩រូបនិងកីឡាការិនីចំនួន២៣រូប ។ការប្រកួតចែកចេញជា២ផ្នែកធំៗដែលមាន ចំនួន១៧វិញ្ញាសាគឺវិញ្ញាសាសំដែងមាន៨ដែល មានចំនួន៤៣ប្រកួតវិញ្ញាសាប្រយុទ្ធមាន៩ប្រភេទ ទម្ងន់ដែលមាន៤៣ប្រកួតដូចគ្នា ។

​ឆ្លងការប្រកួតរយៈពេល៣ថ្ងៃនេះក្រសួងការពារជាតិ ដណ្តើមមេដាយច្រើនជាងគេ គឺមានចំនួន៥គ្រឿងក្នុនោះមេដាយមាស៤គ្រឿង និងមេដាយសំរិទ្ធ១គ្រឿង ។ក្រសួងមហាផ្ទៃឈរនៅចំណាត់ថ្នាក់លេខ២ដែលដណ្ដើមបានមេដាយ សរុបចំនួន៦គ្រឿងគឺមេដាយមាស៣គ្រឿង ប្រាក់២គ្រឿង និងសំរិទ្ធ១គ្រៀង ។ខេត្តស្វាយរៀងបានធ្វើឲ្យគេភ្ញាក់ផ្អើលដោយ សារតែពុំធ្លាប់ឮឈ្មោះសោះបែរ ជាដណ្ដើមបានចំណាត់ថ្នាក់លេខ៣ ដោយដណ្ដើមបានមេដាយសរុមចំនួន១០គ្រឿង ក្នុងនោះមេដាយមាស៣គ្រឿង ប្រាក់១គ្រឿង និងសំរិទ្ធ៦គ្រឿង ។