រថយន្ត១គ្រឿង បើក ធ្លាក់ចេញពីផ្លូវចាក់មនុស្ស ៨នាក់ចេញពីឡាន

ខេត្តបាត់ដំបង ៖ រថយន្តកាមរី១គ្រឿង បើកបរក្នុងល្បឿនលឿន បានគេចមនុស្ស ជើងដើរឆ្លងថ្នល់ ស្រាប់តែរេចង្កូតធ្លាក់ចេញពីផ្លូវ បណ្តាលឲ្យមានមនុស្សរងរបួសធ្ងន់-ស្រាល ចំនួន៨នាក់ ។

ហេតុការណ៍នេះ បានកើតឡើងនៅវេលាម៉ោង៨ព្រឹកថ្ងៃទី៣០ ខែធ្នូ ឆ្នាំ២០១៨ នៅចំណុចភូមិកំពង់ចម្លងលើ ឃុំតាក្រី ស្រុកកំរៀង ខេត្តបាត់ដំបង។

បើតាមលោក ស្វាយ សំអាត អធិការរងទទួលបន្ទុកសណ្តាប់ធ្នាប់ចរាចរណ៍ស្រុកកំរៀង បានឲ្យដឹងថា ករណីគ្រោះថ្នាក់ចរាចរណ៍ខាងលើនេះ គឺបណ្តាលមកពីរថយន្តបើកលឿន ហើយគេចជាមួយ ថ្មើរជើងម្នាក់ ក៏បើកគេចជ្រុលចង្កូតធ្លាក់ផ្លូវ បណ្តាលឲ្យក្រឡាប់រងរបួសធ្ងន់ និងស្រាលចំនួន៨នាក់ មានក្មេងចាស់ប្រុសស្រីផង៕