បង្រ្កាបមុខសញ្ញា៥នាក់ ជួញដូរ រក្សាទុក និងប្រើប្រាស់សារធាតុញៀនខុសច្បាប់ ចំនួន ២លើក

ឧត្តរមានជ័យ៖អធិការដ្ឋាននគរបាល ក្រុងសំរោង បានឲ្យដឹងថា
នៅថ្ងៃអាទិត្យ ទី៣០ ខែធ្នូ ឆ្នាំ២០១៨ លោកវរសេនីយ៍ឯក ហម ភិរម្យ អធិការនគរបាលក្រុង បានចាត់កម្លាំងជំនាញ នៃអធិការដ្ឋាននគរបាលក្រុង សហការជាមួយប៉ុស្តិ៍រដ្ឋបាលសំរោង ដឹកនាំដោយ លោកវរសេនីយ៍ត្រី អ៊ូច ម៉ៅ អធិការរង ទទួលការងារប្រឆាំងគ្រឿងញឿន បានធ្វើការបង្ក្រាបករណីមុខសញ្ញា ជួញដូរ រក្សាទុក និងប្រើប្រាស់សារធាតុញៀនខុសច្បាប់ ចំនួន ២លើក ចាប់មនុស្ស៥នាក់។
បើតាមអធិការដ្ឋាននគរបាល ក្រុងសំរោង ៖ លើកទី១ នៅវេលាម៉ោង ១២៖០០នាទី បង្ក្រាបបាននៅចំណុចផ្ទះទុកចោលគ្មានម្ចាស់នៅ ស្ថិតក្នុងភូមិឈូក សង្កាត់-ក្រុងសំរោង ខេត្តឧត្តរមានជ័យ ។ ក្នុងកិច្ចប្រតិបត្តិការ កម្លាំងយើងធ្វើការឃាត់ខ្លួនជនសង្ស័យបាន ១នាក់ ឈ្មោះ ឆាំ ស៊ីណាង ហៅ ម៉ៅ ភេទប្រុស អាយុ ២៤ឆ្នាំ ជនជាតិខ្មែរ មានស្រុកកំណើតនៅ ភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត បច្ចុប្បន្នស្នាក់នៅ ភូមិឈូក សង្កាត់-ក្រុងសំរោង ខេត្តឧត្តរមានជ័យ (អ្នកចែកចាយ និងប្រើប្រាស់) ។ ដកហូតបានវត្ថុតាងរួមមាន៖ ថ្នាំម៉ាទឹកកកice ចំនួន ១កញ្ចប់ធំ មានតម្លៃ ១០០ដុល្លារ ទូរសព្ទដៃ ១ គ្រឿង កាបូបប្រាក់ចំនួន ១ និងសម្ភារបមប្រើឲ្យការជក់មួយចំនួន។
+លើកទី២ នៅវេលាម៉ោង ១៤៖៤០នាទី បន្ទាប់ពីការសួរសម្លើយជនសង្ស័យឈ្មោះ ឆាំ ស៊ីណាង ហៅ ម៉ៅ កម្លាំងយើងបានបន្តការស្រាវជ្រាវ ឈានដល់ការបង្ក្រាបបាននៅចំណុចទីស្នាក់ការពន្ធដាខេត្ត ស្ថិតក្នុងភូមិបុរីរដ្ឋបាល សង្កាត់-ក្រុងសំរោង ឃាត់ខ្លួនជនសង្ស័យបានចំនួន ៤នាក់​​ មានឈ្មោះដូចខាងក្រោម៖ ទី១ ឈ្មោះ តាំង ត្រា ភេទប្រុស អាយុ ៣៣ឆ្នាំ មុខរបរ ជាងឈើ មានស្រុកកំណើតនៅភូមិព្រែកតាសេក ឃុំជ្រោយតាកែវ ស្រុកកោះធំ ខេត្តកណ្តាល ទីលំនៅបច្ចុប្បន្ននៅ ភូមិតាប៉ែន ឃុំពង្រ ស្រុកចុងកាល់ ខេត្តឧត្តរមានជ័យ (ចែកចាយ និង ប្រើប្រាស់)។ ទី២ ឈ្មោះ ថាប់ សំណាង ភេទប្រុស អាយុ ៣៣ឆ្នាំ មុខរបរ គ្រូបង្រៀន មានទីលំនៅភូមិឈូក សង្កាតសំរោង​ ក្រុងសំរោង ខេត្តឧត្តរមានជ័យ (ប្រើប្រាស់)។ ទី៣ ឈ្មោះ រស់ ផុង ភេទប្រុស អាយុ ១៧ឆ្នាំ មុខរបរ សិស្ស មានស្រុកកំណើត នៅភូមិត្រកៀត ឃុំមុខប៉ែន ស្រុកពួក ខេត្តសៀមរាប ទីលំនៅបច្ចុប្បន្ននៅ ភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ (ប្រើប្រាស់)។ ទី៤ ឈ្មោះ អឿ ពិសី ភេទប្រុស អាយុ ២១ឆ្នាំ មុខរបរ ជាងឈើ មានស្រុកកំណើតនៅ ភូមិកោះចាស់ ឃុំព្រៃស្តី ស្រុកកោះធំ ខេត្តកណ្តាល ទីលំនៅបច្ចុប្បន្ន ភូមិគោកច្រេស សង្កាត់សំរោង ក្រុងសំរោង ខេត្តឧត្តរមានជ័យ (ប្រើប្រាស់)។ ដកហូតបានវត្ថុតាងរួមមាន៖ ម៉ាទឹកកice ចំនួន ១កញ្ចប់ធំ និង ១កញ្ចប់តូច
ម៉ូតូ ម៉ាកហុងដាទ្រីម សេ១២៥ ពណ៌ខ្មៅ ចំនួន ២គ្រឿង និងសម្ភារសម្រាប់ជក់ថ្នាំមួយចំនួនទៀត។

បច្ចុប្បន្នជនសង្ស័យ និងវត្ថុតាងខាងលើ ត្រូវបាននាំមកកាន់ អធិការដ្ឋាននគរបាលក្រុង ដើម្បីសាកសួរ និងកសាងសំណុំរឿងតាមនីតិវិធី ៕