មេឃភ្លៀងធ្លាក់មួយមេធ្វើអោយផ្លូវថ្នល់នានា និងបរិវេណផ្សារបឹងកេងកង លិចលង់

ភ្នំពេញៈភ្លៀងធ្លាក់មួយមេយ៉ាងធំជោកជាំបណ្ដាលអោយផ្លូវថ្នល់នានា និងបរិវេណផ្សារបឹងកេងកង នឹងនៅតំបន់បឹងកេងកង នៅក្នុងមូលដ្ឋានខណ្ឌចំការមន ត្រូវលិចលង់ទៅដោយជំនន់ទឹកភ្លៀង ឡើងល្ហល្ហាចបង្កការលំបាក ក្នុងការធ្វើដំណើរ និងបងប្អូនអាជីវករ ក្នុងការលក់ដូរទំនិញ។នៅល្ងាចថ្ងៃទី២៦ខែមិថុនាឆ្នាំ២០១៨នេះ លោកឯក និមល ប្រធានគណៈកម្មការគ្រប់គ្រងផ្សារបឹងកេងកង ខណ្ឌចំការមនបានដឹកនាំកម្លាំង មន្រ្តីបុគ្គលឹកផ្សារ និងកម្លាំងសន្តិសុខផ្សារ ចុះទៅពិនិត្យនៅកន្លែងទឹកលិចដក់ ដោយជំនន់ទឹកភ្លៀងនាល្ងាចថ្ងៃនេះ ដោយដើររើសប្រម៉ែប្រមូល សំរាមនៅតាមមាត់លូ នឹង អណ្ដូងលូនៅ ក្នុងបរិវេណផ្សារ និងតាមដងផ្លូវជុំវិញផ្សារដើម្បី បើកមុខទឹកអោយហូរធ្លាក់ចូលអណ្ដូងលូ ឬប្រព័ន្ធលូ បានលឿនដើម្បីរំដោះការលិចលង់ ដោយទឹកជំនន់ទឹកភ្លៀង ពីលើផ្លូវនិងក្នុងបរិវេណផ្សារ។