គ្រោះថ្នាក់ចរាចរ រវាងរថយន្តនិងម៉ូតូ បញ្រ្ចាសទិសគ្នា រងរបួសធ្ងន់ម្នាក់
កំពង់ស្ពឺ ៖ កម្លាំងជំនាញចរាចរណ៍ខេត្ដ បានចុះវាស់វែងករណីគ្រោះថ្នាក់ចរាចរ រវាងម៉ូតូប៉ះជាមួយរថយន្ដ លេីផ្លូវជាតិលេខ៤ ចន្លោះគីឡូម៉ែត្រ 46-47 ចំណុចភូមិសំណង់ សង្កាត់រកាធំ ក្រុងច្បារមន វេលាម៉ោង ១៦និង៥០ នាទី នៅថ្ងៃទី១ ខែមករា ឆ្នាំ២០១៩ ក្នុងហេតុការណ៍គ្រោះថ្នាក់ចរាចរនេះមាន ម៉ូតូគ្រឿង ម៉ាកហុងដា Click ពណ៌ស ពាក់ផ្លាកលេខភ្នំពេញ1CX-8884 អ្នកបើកបរមិនទាន់ស្គាល់អត្តសញ្ញាណ រងរបួសធ្ងន់ ត្រូវបានបញ្ជូនទៅកាន់មន្ទីរពេទ្យ ចំណែករថយន្ដខាងលេី ម៉ាកហ៊ីយ៉ាន់ដាយ ពណ៌បៃតង ពាក់ផ្លាកលេខព្រះសីហនុ 3A-6189 សណ្ដោងរ៉ឺម៉កពាក់ផ្លាកលេខព្រះសីហនុ 4A-2106 អ្នកបើកបរឈ្នោះ រ៉ា ឌៀប ភេទប្រុស អាយុ ៣៥ឆ្នាំ ទីលំនៅ ភូមិកំព្រាល ឃុំប្រឡាយ ស្រុកស្ទោង ខេត្តកំពង់ធំ ។
តាមការបញ្ជាក់របស់ជំនាញថាគ្រោះថ្នាក់ខាងលេី បណ្ដាលមកពីអ្នកបេីកបរមិនប្រកាន់ស្ដាំ ទេីបធ្វេីឲ្យមានគ្រោះថ្នាក់កេីតឡេីង។ គ្រោះថ្នាក់ចរាចរនេះ បង្កឲ្យខូចខាតនិងរងរបួសធ្ងន់ មនុស្សម្នាក់ ចំណែកមធ្យោបាយបង្ក ត្រូវបានជំនាញចរាចរណ៍ យកមករក្សាទុកជាបណ្ដោះអាសន្ន នៅការិយាល័យចរាចរណ៍ នៃស្នងការដ្ឋាននគរបាលខេត្តកំពង់ស្ពឺ រង់ចាំការកសាងនីតិវិធីបន្ដ៕
