នរណាបន្តឡើងទៅជុំទី៣សប្ដាហ៍នេះ ?
ភ្នំពេញ:ព្រឹត្តិការណ៍TV5 Boxing Knock-Out Serie by K-Cementសម្រាប់យប់ថ្ងៃទី១២មករាអ្នកប្រដាល់គួន ប៊ុនហ៊ីមក្លិបពន្លឺសាមគ្គីខេត្តបាត់ដំបងជួបជាមួយអ្នកប្រដាល់ជា ចំរើនក្លិបកងចក្រភ្នំតូច ។
អ្នកប្រដាល់ទាំង២រូបនេះសុទ្ធតែឈ្នះនៅជុំទី១ដូចគ្នា ហើយពេលនេះគេប្រជែងគ្នា ដើម្បីឡើងទៅជុំទី៣ ។ការប្រកួតនៅជុំទី២នេះ ពិតជាមិនស្រួលដូចកាលពីជុំទី១ឡើយ ។
កាលពីប្រកួតនៅជុំទី១ប៊ុនហ៊ីម បានយកឈ្នះអ្នកប្រដាល់រិទ្ធ ប្រាក់បិន្ដក្លិបកងពលតូចលេខ៧០ ដោយពិន្ទុដែលនៅក្នុងការប្រកួតនោះ ចៅក្រមទាំង៥សុទ្ធតែផ្ដល់ពិន្ទុឲ្យគួន ប៊ុនហ៊ីមឈ្នះគ្រប់គ្នា ។ចំពោះជា ចំរើនគេប្រកួតឈ្នះអ្នកប្រដាល់ម៉ៃ សុភ័ក្រ្តក្លិបស្វាយរលំទ្ធិជ័យដោយពិន្ទុ ។
គួន ប៊ុនហ៊ីមស្គាល់សង្វៀនប្រដាល់មុនជា ចំរើនយូរឆ្នាំណាស់ ។ តែក្នុងការប្រកួតនេះមិនទាន់ប្រាកដថាគេអាចយកឈ្នះលើជា ចំរើនបាននោះឡើយ ។កៅអីសម្រាប់ជុំទី៣បានទៅលើនរណា ?
ប្រកួតក្នុងព្រឹត្តិការណ៍នេះដែរយ៉ន ពិសីក្លិបសាលវ័ន្ដកីឡាប្រកួត ជាមួយអ្នកប្រដាល់ជ័យ ប៊ុនសង់ក្លិបគីសែមានរិទ្ធ ។
អ្នកប្រដាល់ទាំង២រូបនេះស្ថិតក្នុងជំនាន់ជាមួយគ្នា និងមិនសូវមានឈ្មោះបោះសម្លេងដូចគ្នា ។ទោះបីពួកគេមិនសូវមានកេរ្តិ៍ឈ្មោះ ក៏ពិតមែនតែគេជាអ្នកប្រដាល់ចិត្តធំ និង វ៉ៃបាន៥ទឹកដូចគ្នាទៀតផង ។
កាលពីប្រកួតនៅជុំទី១ពិសីបានយក ឈ្នះអ្នកប្រដាល់អាន ទាវរបស់ក្លិបយុវវាលស្បូវដោយពិន្ទុក្នុងខណៈដែលជ័យ ប៊ុនសង់យកឈ្នះអ្នកប្រដាល់លីន វិបុលក្លិបបូរីរាជសីហ៍មានរិទ្ធដោយពិន្ទុ ។
ពិសីដណ្ដើមជ័យជំនះលើគូប្រកួតក្នុងវគ្គប្រកួត ជម្រុះជុំទី១ទាំងប្រផិតប្រផើយ ឯ ប៊ុនសង់វិញគេឈ្នះលើគូប្រកួត៤ ទល់ ១ គឺចៅក្រមទាំង៥មាន៤រូប ហើយដែលផ្ដល់ពិន្ទុឲ្យគេឈ្នះ និង មានតែម្នាក់ប៉ុណ្ណោះដែលឲ្យពិន្ទុគេចាញ់នោះ ។
ការប្រកួតក្នុងជុំទី២ដើម្បីប្រជែងដណ្ដើមកៅអីសម្រាប់ ឡើងទៅប្រកួតជម្រុះបន្តនៅជុំទី៣ទៀតនោះមិនដឹងថា នរណាមានសំណាងល្អឡើយ ។
ការប្រកួតជាមិត្តភាពជាមួយអ្នកប្រដាល់ថៃវិញនោះឡុង ឡាក្លិបអប់រំកាយស្រុកអន្លង់វែង ប្រកួតជាមួយអ្នកប្រដាល់ថៃឈាង រ៉ាវី(Chheang Ravy)ក្នុងប្រភេទទម្ងន់៦០គីឡូក្រាម ។