នគរបាលចាប់បុរសម្នាក់ ដែលខ្ចីម៉ូតូគេជិះ ហើយមិនប្រគល់ឲ្យម្ចាស់ដើមវិញ

ភ្នំពេញ៖ នៅថ្ងៃ៩ខែមករាឆ្នាំ២០១៩ វេលាម៉ោង ១៦ និង៣០នាទី ប៉ុស្តិ៍រដ្ឋបាលក្រាំងធ្នង់ បានធ្វើឃាត់ខ្លួនជនសង្ស័យចំនួន១នាក់ ករណីរំលោភលើទំនុកចិត្ត (ខ្ចីម៉ូតូមិនប្រគល់ឲ្យម្ចាស់វិញ) នៅចំណុចតាមផ្លូវលំ ភូមិព្រៃមូល សង្កាត់ក្រាំងធ្នង់ ខណ្ឌសែនសុខ ។

អធិការដ្ឋាននគរបាលខណ្ឌសែនសុខ បានឲ្យដឹងថាថ ជនសង្ស័យចំនួន ១នាក់ ឈ្មោះ ឌី ឆេងលី ភេទប្រុស អាយុ១៨ឆ្នាំ ជនជាតិខ្មែរ មុខរបរកម្មករ ស្នាក់នៅក្នុងក្រុមហ៊ុនក្រឡុកស៊ីម៉ង់ ផ្លូវ១៩២៨ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (មានសារធាតុញៀន) ។ ជនរងគ្រោះ ចំនួន១នាក់ ឈ្មោះ ស្រុង រិទ្ធ ភេទប្រុស អាយុ២៤ឆ្នាំ ជាងជួសជុលរថយន្តស្នាក់នៅបន្ទប់ជួល ផ្ឡូវ១០១៩ ភូមិទឹកថ្លា សង្កាត់ទឹកថ្លា ខណ្ឌសែនសុខ ។ សម្ភារៈបាត់បង់ ៖ម៉ូតូចំនួន១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១១ ពាក់ស្លាកលេខភ្នំពេញ1AY-5549 របស់ជនរងគ្រោះ ។ មុនពេលកើតហេតុជនសង្ស័យខាងលើ បានខ្ចីម៉ូតូពីជនរងគ្រោះ ដោយប្រាប់ជនរងគ្រោះថា ខ្ចីម៉ូតូទៅដូរលុយ បន្ទាប់មកជនរងគ្រោះ បានប្រគល់ម៉ូតូទៅឲ្យជនសង្ស័យខ្ចី ហើយជនសង្ស័យ បានជិះម៉ូតូចេញទៅបាត់មួយសន្ទុះក្រោយមក ជនសង្ស័យបានត្រឡប់មកវិញ មិនឃើញម៉ូតូ រួចជនរងគ្រោះក៏បានមកប៉ុស្តិ៍រដ្ឋបាលឃ្មួញ ដើម្បីដាក់ពាក្យបណ្តឹងចោទប្រកាន់ ជនសង្ស័យតែម្តង ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់ ៕