ក្រុមភ្លេងមកសុំផ្ទះដេកមួយយប់ ម្ចាស់ផ្ទះខំយកភួយនិងខ្នើយឡើងលើផ្ទះ ដើម្បីរៀបចំកន្លែងឲ្យចៃដន្យឡើងលើជណ្តើរបាន៣កាំ ក៏ធ្លាក់ដាច់ផ្ងារមកក្រោយបោកក្បាលស្លាប់
ខេត្តស្វាយរៀង ៖ ស្ត្រីវ័យចំណាស់ម្នាក់បានស្លាប់ភ្លាមៗ នៅលើសាបក្រោមកាំជណ្តើរផ្ទះរបស់គាត់ដោយសារ មានក្រុមភ្លេងមកសុំផ្ទះដេកហើយរូបគាត់បានយកភួយនិងខ្នោយឡើងទៅលើផ្ទះ ដើម្បីរៀបចំអោយក្រុមអ្នកភ្លេងដេក តែចៃដន្យទើបតែឡើងលើកាំជណ្ដើរ បានបីកាំក៍ធ្លាក់ដាច់ផ្ងារ មកក្រោយបោកក្បាលនិងសាបជណ្ដើរស្លាប់ភ្លាមៗតែម្តង។
ហេតុការណ៍នេះបានបង្កអោយមានការភ្ញាក់ផ្អើលដល់ សមត្ថកិច្ចនៅវេលាម៉ោង៥និង១៥នាទីព្រឹកថ្ងៃសៅរ៍ ៧កើតខែបុស្សឆ្នាំរកា ព ស២៥៦២ត្រូវថ្ងៃ១២ខែមករាឆ្នាំ២០១៩នេះនៅត្រង់ចំនុចភូមិ កក់ ឃុំ ស្វាយរំពារ ស្រុក ស្វាយទាប ខេត្តស្វាយរៀង ។ យោងតាមសមត្ថកិច្ចបានអោយដឹងថា៖ជនរងគ្រោះស្លាប់នោះឈ្មោះ ឥន សឿង ភេទស្រី អាយុ ៧២ ឆ្នាំ បានរអិលជើងធ្លាក់ពីលេីកាំជណ្តើរផ្ទះរបស់ខ្លួនបណ្តាលអោយស្លាប់នៅនិងកន្លែង ។ប្រភពបានបន្តទៀតថា៖មូលហេតុនោះដោយ មានក្រុមភ្លេងសុំផ្ទះដេក បន្ទាប់មកគាត់ក៏យកភួយនិងខ្នោយឡើងលើផ្ទះ ដើម្បីរៀបចំអោយក្រុមភ្លេងនោះដេក ហើយគាត់ឡើងលើកាំជណ្ដើរបានបីកាំក៍ធ្លាក់ដាច់ផ្ងារមកក្រោយ បោកក្បាលនិងសាបជណ្ដើរស្លាប់នៅកន្លែងកើតហេតុដោយពុំទាន់ បានរៀបចំកន្លែងដេកផងនោះទេ។
សមត្ថកិច្ចបញ្ឃ៊ជាក់ថា គាត់ខ្វះការប្រុងប្រយាយ័ត្ន ៕
