មន្ត្រីនគរបាលម្នាក់ ត្រូវជនសង្ស័យចាក់នឹងកាំបិត ចំកញ្ចឹងកពីក្រោយ បណ្តាលឲ្យរងរបួសធ្ងន់ ក្នុងពិធីមង្គការ
កំពត ៖ មន្ត្រីនគរបាលម្នាក់ ត្រូវបានជនសង្ស័យ ចាក់នឹងកាំបិត ចំកញ្ចឹងកពីក្រោយ បណ្តាលឲ្យរងរបួសធ្ងន់ នៅក្នុងពិធីមង្គការនៅភូមិភ្នំត្រែល ឃុំភ្នំកុង ស្រុកអង្គរជ័យ ខេត្តកំពត នៅថ្ងៃទី១២ ខែមករា ឆ្នាំ២០១៩ វេលាម៉ោងប្រមាណ៩យប់។
តាមសេចកី្តរាយការណ៍ ពីនគរបាលស្រុកអង្គរជ័យ បានឲ្យដឹងថា
ជនសង្ស័យឈ្មោះ ឆាយ ភា ភេទប្រុស អាយុ៣៩ឆ្នាំ នៅភូមិកើតហេតុ បានចាក់ទៅលើ ឈ្មោះ ម៉ី ពៅ ភេទប្រុស នៅភូមិកើតហេតុ ជានគរបាលនៅស្រុកអង្គរជ័យ ចំកញ្ចឹងកពីក្រោយ១កាំបិត បណ្តាលឱ្យរងរបួសធ្ងន់ បានបញ្ជូននទៅសង្គ្រោះនៅមន្ទីរពេទ្យបង្អែកអង្គរជ័យ ។ នគរបាលមូលដ្ឋាន បានបញ្ជាក់ថា ករណីនេះ ដោយមូលហេតុ ប្រច័ណ្ឌ)។
ក្រោយពេលកើតហេតុ ជនសង្ស័យបានគេចខ្លួនបាត់ ខណៈ សមត្ថកិច្ចកំពុងស្រាវជ្រាវ តាមរកចាប់ខ្លួនជនដៃដល់ ៕