រថយន្តកុងតឺន័រ បើកវ៉ាជែង ជ្រុលទៅបុកកិន ម៉ូតូ បណ្តាលឱ្យនារី ម្នាក់ ស្លាប់
រថយន្តកុងតឺន័រធុនធំមួយគ្រឿង បើកវ៉ាជែង ជ្រុលទៅបុកកិន ម៉ូតូមួយគ្រឿងដែលជិះឌុបគ្នា ២នាក់ បណ្តាលឱ្យនារីរូបស្រស់ម្នាក់ ត្រូវបានរថយន្តកិនស្លាប់និងម្នាក់ទៀតខ្ទាតដួលទៅលេីថ្នល់ រងរបួសរលោតដៃរលោតជេីងបន្តិចបន្តួចប៉ុណ្ណោះ ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកេីតឡេីងនៅវេលាម៉ោង០៣:៣៥នាទីរសៀល ថ្ងៃសៅរ៍ ទី២៦ ខែមករា ឆ្នាំ២០១៩នេះ នៅតាមបណ្ដោយផ្លូវជាតិលេខ១ ស្ថិតក្នុងសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
អ្នកបើករថយន្តបង្ក ឈ្មោះ ខៃ ចាន់ណុល ភេទប្រុស អាយុ ៣០ឆ្នាំ នៅភូមិប្រាសាទ ឃុំ សាន់គរ ស្រុកកំពង់ស្វាយ ខេត្តកំពង់ធំ ។ បើករថយន្ត ពាក់ស្លាកលេខ ភ្នំពេញ ៣B១៩៨៨ ។
នារីដែលស្លាប់ឈ្មោះ អ៊ូ បញ្ញា អាយុ ៣៣ឆ្នាំ ជាកម្មការិនីរោងចក្រ ស្នាក់នៅភូមិព្រែកធំ សង្កាត់ក្បាលកោះ ខណ្ឌច្បារអំពៅ ។ នារីរងគ្រោះ ជិះម៉ូតូ ម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ ១AY៦៧៨៧ ៕
