ចូលច្រៀងខារាអូខេ ផឹកសុីជ្រុលខ្វះលុយឲ្យគេប្រេីល្បិច រករឿងម្ចាស់ហាង ទាញកាំបិតផ្គាក់សំឡុតគំរាមម្ចាស់ហាង តែត្រូវឃាត់ខ្លួន
ខេត្តកំពង់ស្ពឺ ÷ បុរស០៣នាក់ចូលច្រៀងខារាអូខេ ផឹកសុីជ្រុលខ្វះលុយឲ្យគេប្រេីល្បិច រករឿងម្ចាស់ហាងចង់គេចវេស ទាញកាំបិតផ្គាក់សំឡុតគំរាមម្ចាស់ហាង តែត្រូវម្ចាស់ហាង ប្ដឹងសមត្ថកិច្ចឃាត់ខ្លួន។ កាលពីថ្ងៃពុធ ទី៣០ ខែមករា ឆ្នាំ២០១៩ វេលាម៉ោង ២ រំលងអាធ្រាត ឈានចូលថ្ងៃទី៣១ នៅចំណុចភូមិជំនាប់ ឃុំសង្កែសាទបស្រុកឱរ៉ាល់ ខេត្តកំពង់ស្ពឺ ករណីបង្ករអុកឡុកនៅ ហាងខារ៉ាអូខេ ជនសង្ស័យមានឈ្មោះថា ថៃ ភេទប្រុស អាយុ ២៣ឆ្នាំ ឈ្មោះឡេង វេត ភេទប្រុស អាយុ ៣០ឆ្នាំ ឈ្មោះយ៉ន មេត្តា ភេទប្រុសអាយុ ២៣ឆ្នាំ ទាំងបីនាក់មានទីលំនៅភូមិក្រាំង ឃុំហោងសំណំ ស្រុកឱរ៉ាល់ មុនពេលកេីតហេតុជនសង្ស័យបានមកផឹកសុីច្រៀងខារ៉ាអូខេ នៅហាង រស្មីឱរ៉ាល់ មានម្ចាស់ឈ្មោះញុិប សុដុម ភេទប្រុស អាយុ ៣៣ឆ្នាំរស់នៅភូមិឃុំកើតហេតុខាងលើ អស់ប្រាក់ ៤២ មុឺនរៀល ហើយខ្វះលុយឲ្យម្ចាស់ហាងក៏ធ្វើសកម្មភាពចង់បណ្ដោះគ្នារត់គេច តែត្រូវម្ចាស់ឃាត់មិនអោយចេញពីហាងត្រូវតែទូទាត់ប្រាក់សិន ពេលនោះជនសង្ស័យទាំងបីនាក់ស្រែកឡូឡានឹងបានទាញកាំបិតផ្គាក់ចេញពីម៉ូតូ បង្កការអុកឡុកកាប់តុនិងជញ្ជាំងគំរាមម្ចាស់ហាងទៀតផង ម្ចាស់ហាងបានរត់មកខាងក្រៅប្ដឹងស មត្ថកិច្ចជួយអន្ដរាគមន៍ ។
នគរបាលបានចុះដល់កន្លែងកើតហេតុហើយធ្វើការឃាត់ខ្លួនជនសង្ស័យទាំងបីនាក់រួមនិងវត្ថុតាង កាំបិតផ្គាក់ យកមកអធិការដ្ឋាននគរបាលស្រុកឱរ៉ាល់ ដើម្បីធ្វើការសាកសួរ និងចាត់ការតាមនីតិវិធី៕
