ចោរលួចលុយ ជាប់អន្ទាក់ប៉ូលិស
ភ្នំពេញ៖ លោកគល់ យី អធិការប៉ូលិសខណ្ឌឫស្សីកែវបាន អោយដឹងនៅព្រឹកថ្ងៃទី១៧ខែកុម្ភះ នេះដោយស្តីពីការលទ្ធផលបង្រ្កាប ជាក់ស្តែងករណី លួច (បន្លំខ្លួនចូលក្នុងបន្ទប់ទ្រូម៉ាន់នី) កាលពីវេលាម៉ោង១២:៣០នាទី ថ្ងៃ១៦ ខែកុម្ភះ ឆ្នាំ២០១៩ នៅចំណុច ផ្ទះលេខ២៤៦A ផ្លូវ៥៩៨ភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវរាជធានីភ្នំពេញ ។
ជនសង្ស័យទី១ឈ្មោះ សុខ បុត្រ ភេទប្រុស អាយុ២៥ឆ្នាំមុខរបរ មិនពិតប្រាកដ ទីលំនៅមិនពិតប្រាកដ។
ជនសង្ស័យទី២ ឈ្មោះ រិទ្ធ ភេទប្រុស អាយុប្រហែល៣៥ឆ្នាំ ជាម្ចាស់ម៉ូតូម៉ាកសេ១២៥ពណ៌ខ្មៅ សេរីឆ្នាំ២០១៥ (គេចខ្លួន)
ជនរងគ្រោះឈ្មោះ ប៉ាន់ ត្រៀក ភេទប្រុស អាយុ ៥៦ឆ្នាំ មុខរបរ លក់ដូរ ស្នាក់ផ្ទះកេីតហេតុ។
សំភារះដកហូតបានរួមមាន
១/ទឹកប្រាក់ប្រហែល៣៥មុឺនរៀល (បានប្រគល់ជូនជនរងគ្រោះវិញ) ។
លោកអធិការបន្តទៀតថា នៅវេលាម៉ោងខាងលេីជនរងគ្រោះកំពុង តែលក់នៅផ្ទះស្រាប់មានជនសង្ស័យ២នាក់ បានមក ហេីយគ្នាវាម្នាក់ធ្វេីជាទិញ ប្រាក់ដុល្លារចំនួន៥០ដុល្លារ បន្ទាប់មកទិញស្រាបៀរចំនួនមួយកេសទៀត ហេីយបានអោយប្រាក់រាយ មិនគ្រប់ចំនួនដេីម្បីពន្យាពេល ពេលនោះគ្នាវាម្នាក់ទៀតឈ្មោះ សុខ បុត្រ បានបន្លំចូលទៅក្នុងផ្ទះលួច យកប្រាក់ដាក់ក្នុងថង់ ក៏ត្រូវម្ចាស់តាមទាន់ស្រែកឆោឡោផ្អេីល ឃាត់ខ្លួនបានម្នាក់រីឯម្នាក់ទៀតឈ្មោះ រិទ្ធ រត់គេចខ្លួនបាត់។
ចំពោះមុខផ្នែកជំនាញខណ្ឌ ប៉ុស្តិ៍ កំពុងសាកសួរយក ចំលើយនឹងបទល្មើសកន្លងមក+បក្ខពួក ដើម្បីកសាងសំណុំរឿង បញ្ចូនទៅសាលាដំបូងរាជធានីភ្នំពេញ អនុវត្តន៍តាមនីតិវិធី៕
