ជិះម៉ូតូបុករថយន្តសិនទ្រី កំពុងឆ្លងផ្លូវបណ្ដាល ឲ្យស្លាប់ពីរនាក់ និងម្នាក់រងរបួសធ្ងន់
រថរងរយុតតតុត្តត
(ភ្នំពេញ)៖ ជិះម៉ូតូឌុបគ្នាបីនាក់ក្នុងល្បឿនលឿនទៅបុករថយន្តសិនទ្រី កំពុងឆ្លងផ្លូវបណ្ដាលឲ្យស្លាប់ពីរនាក់ នៅនឹងកន្លែងរីឯម្នាក់ទៀតរងរបួសធ្ងន់ ហេតុការណ៍នេះបានបង្កឲ្យ មានការភ្ញាក់ផ្អើលយ៉ាងខ្លាំងកាលពីវេលាម៉ោងជាង២យប់ថ្ងៃទី២៤ ខែកុម្ភៈ ឆ្នាំ២០១៩ដែលមានទីតាំងស្ថិតនៅច្រមុះជ្រូកស្ទឹងមានជ័យស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យក្រុងភ្នំពេញ។
ប្រភពព័ត៌មានពីអ្នកដែលបានឃើញហេតុការណ៍បានប្រាប់ឲ្យដឹងថា នៅមុនពេលកើតហេតុគេឃើញម៉ូតូមួយគ្រឿងម៉ាកSUZUKI let’s ពណ៌សពាក់ស្លាកភ្នំពេញ1CP-8484ជិះគ្នាបីនាក់ប្រុសមួយស្រីពីរ ក្នុងល្បឿនលឿនដោយធ្វើដំណើរតាមបណ្ដោយ ផ្លូវវេងស្រេងក្នុងទិសដៅពីលិចទៅកេីតលុះ មកដល់ចំណុចកើតហេតុស្រាប់តែមាន រថយន្តសិនទ្រីមិនចាំស្លាកលេខបានធ្វើដំណើរតាមបណ្ដោយផ្លូវព្រះមុន្នីរ៉េត ក្នុងទិសដៅពីកើតទៅលិចបានបត់ឆ្វេងក៏ត្រូវម៉ូតូបុកចំពេញមួយទំហឹងបណ្ដាល ឲ្យមនុស្សពីរនាក់(ប្រុស១ ស្រី១)បានស្លាប់បាត់បង់ជីវិតនៅនឹងកន្លែងយ៉ាងអាណោចអាធ័ម ចំណែកម្នាក់ទៀតរងរបួសធ្ងន់ត្រូវបានរថយន្តសង្គ្រោះបន្ទាន់ដឹកយក ទៅសង្គ្រោះនៅឯមន្ទីរពេទ្យ។ ចំណែកឯរថយន្តសិនទ្រីវិញមិនបានឈប់ នៅនឹងកន្លែងនោះថែមទាំងបន្ថែមល្បឿនបេីករត់គេចបាត់ស្រមោលតែម្តង។ បច្ចុប្បន្នសពទាំងពីរនៅមិនទាន់ ស្គាល់អត្តសញ្ញាណនោះទេ។
ក្រោយកើតហេតុសមត្ថកិច្ចពិនិត្យរួចសពត្រូវបានរថយន្តសាមុយ រៀបចំលើកដាក់ក្នុងរថយន្តដើម្បី រងចាំបងប្អូនមកទទួលសពយក ទៅធ្វើបុណ្យតាមប្រពៃណីរីឯម៉ូតូវិញត្រូវបានសមត្ថកិច្ចជំនាញយកទៅរក្សាទុក នៅការិយាល័យ ចរាចរណ៍ជើងគោកក្រុង ដើម្បីរងចាំសាច់ញាត្តិយកឯកសារ មកទទួលយកទៅវិញ៕
