ឆេះផ្ទះមួយខ្នងធ្វើពីឈេីលេី ថ្មក្រោម ម្ចាស់ផ្ទះចាក់សោទុកចោ
ខេត្តកំពង់ស្ពឺ ÷ ចំថៃ្ងទិវាសិទ្ធិអន្ដរជាតិនារី ៨មីនាលេីកទី ១០៨ ម្ច្ចាស់ផ្ទះមិននៅចាក់សោទុកចោល គ្រោះអគ្គិភ័យបានលេបត្របាក់ផ្ទះតែម្ដង កាលពីថៃ្ងទី៨ ខែមីនា ឆ្នាំ២០១៩ វេលាម៉ោង ១០និង៣០ នាទី អគ្គិភ័យឆាបឆេះផ្ទះប្រជាពលរដ្ឋ នៅភូមិថ្មី សង្កាត់រការធំ ក្រុងច្បារមន ខេត្តកំពង់ស្ពឺ ផ្ទះឈើលេីថ្មក្រោម ទំហំ ៦គុណ៨ម៉ែត្រ ម្ច្ចាស់ផ្ទះឈ្មោះ ជូ ធីម ប្រុស អាយុ ៥១ឆ្នាំ ប្រពន្ធឈ្មោះយង់ វុទ្ធី អាយុ៤៥ឆ្នាំ មូលហេតុ បណ្តាលមកពីឆ្លងចរន្ដអគ្គីសនី។ ករណីខាងលើបណ្ដាល អោយខូចខាតនូវសម្ភារៈ មួយចំនួន រួមមាន ÷ ផ្ទះមួយខ្នង ទំហំ6m x8m ឈើលើថ្មក្រោម ដំបូលប្រក់ស៊ីបប្រូ ,គ្រែដេកចំនួន ២ ,ទូរឈើចំនួន ០៤ ,ទូរទស្សន៍ ០១ គ្រឿង
ប្រាក់រៀល ២,៥០០,០០០រៀល,ខ្សែកមាស ២ខ្សែ,បន្តោង ២ ខ្សែដៃមាស ០១ ,ចិញ្ជៀន ០១វង់ សរុបអស់ ២ តំឡឹង ៣ ជីកន្លះ និងសម្ភារៈឯកសារមួយចំនួនទៀត (តាមសំដីម្ចាស់ផ្ទះ)។
តាមការបញ្ជាក់ឲ្យពីលោក ឧត្ដមសេនីយ៍ត្រី អ៊ុម ប៊ុនធឿន ស្នងការរង ផែនបង្ការពន្លត់អគ្គិភ័យ ថាក្នុងកិច្ចប្រតិបត្តការខាងលើជំនាញប្រើប្រាស់រថយន្តអគ្គិភ័យចំនួន ២គ្រឿងប្រើទឹកអស់ ០៣រថយន្ត ទេីបគ្រប់គ្រងស្ថានការណ៍បានទាំងស្រុង(ឆេះតែផ្ទះឈេី) ការពារបានមិនឲ្យរាលដាលទៅដល់ផ្ទះប្រជាពលរដ្ឋដែលនៅក្បែរនោះ។
ករណីអគ្គិភ័យនេះដោយសារតែម្ចាស់ផ្ទះមិននៅរួចចាក់សោរ ទេីបសមត្ថកិច្ចពិបាកក្នុងការជួយអន្ដរាគមន៍បាញ់ទឹកពន្លត់បានតែខាងក្រៅលេីដំបូលតែប៉ុណ្ណោះ។ ករណីឆ្លងចរន្ដនេះអាចកេីតចេញពីក្នុងបន្ទប់ដេកជាន់លេី ប្រហែលមិនបានបិតកុងតាក់ភ្លេីងដោយមានដោតសម្ភារៈអគ្គីសនីមួយចំនួនទុកចោល ។ ជំនាញសំណូមពរដល់បងប្អូនប្រជាពលរដ្ឋទាំងអស់មេត្ដាជ្រាបថាគ្រប់ពេលដែលបងប្អូនមិននៅផ្ទះ សូមកុំដោតនៅសម្ភារៈដូចជាឆ្នាំងដាំបាយ បំពង់ទឹកក្ដៅ ខ្សែភ្លើងសាកឧបករណ៍អេឡិចត្រូនិក ចំពោះខ្សែរភ្លេីងគួរតែកុំប្រេីខ្សែតណច្រេីន ក្នុងករណីណាមិនចាំបាច់ត្រូវបិតឌីសង់ទ័រចោលតែម្ដង៕
