នគរបាលខេត្តកំពង់ស្ពឺ ចាប់រថយន្តដឹកថ្ម របស់អាជីវកម្មថ្មនៅស្រុកភ្នំស្រួចចំនួន ៥៦គ្រឿង ដែលល្មើសនឹងស្មារតីអង្គប្រជុំ
ខេត្តកំពង់ស្ពឺ ៖
លោកឧត្ដមសេនីយ៍ទោ សម សាមួន ស្នងការនគរបាល អនុវត្តតាមគោលការណ៍ ស្មារតីអង្គប្រជុំលោក ស៊ុយ សែម រដ្ឋមន្ត្រីក្រសួងរ៉ែ និងថាមពល និងបញ្ជាដឹកនាំដ៏ខ្ពង់ខ្ពស់ ឯកឧត្ដម អភិបាលខេត្ត ឲ្យធ្វើការឃាត់រថយន្តដឹកថ្ម ខ្សាច់ ចំនួន ៥៦គ្រឿងល្មើសនឹងស្មារតីអង្គប្រជុំឯកភាពរវាងម្ចាស់អាជីវកម្មនៅតែបន្ដលួចដឹកចេញពីការដ្ឋាន មួយចមួយចំនួននៅក្នុងខេត្តនៅថ្ងៃទី 9 ខែកុម្ភៈឆ្នាំ 2019 នេះ។
លោកស្នងការនគរបាលខេត្តកំពង់ស្ពឺបានបញ្ជាក់ថា
កាលថ្ងៃទី៧ ខែមីនា ឆ្នាំ២០១៩នៅ សាលប្រជុំសាលាខេត្ត លោក ស៊ុយ សែម រដ្ឋមន្ត្រីក្រសួងរ៉ែនិងថាមពល បានអញ្ជើញជាអធិបតីក្នុងពិធីសំណេះសំណាលជាមួយអាជីវកររ៉ែសំណង់ ក្នុងខេត្តកំពង់ស្ពឺដែលមានការ ចូលរួមពីលោក អភិបាលខេត្ត គោលបំណងសំខាន់នៃកិច្ចសំណេះសំណាលដើម្បីធ្វើការរំលឹកអំពីលក្ខខណ្ឌមួយចំនួនរបស់ក្រសួងរ៉ែ និងថាមពល ពង្រឹងការអនុវត្តច្បាប់ឱ្យកាន់តែមានប្រសិទ្ធភាពនិងប្រកបដោយស្មារតីទទួលខុសត្រូវខ្ពស់រហូតដល់ថៃ្ងទី១៨ ខែមិនា ឆ្នាំ២០១៩ខាងមុខ ក្នុងរយៈពេលនេះទុកលទ្ធភាពជូនខាងជំនាញធនធានរ៉ែនិងម្ចាស់អាជីវកម្មដេីម្បីសិក្សាផលប៉ះពាល់មួយចំនួននៅមូល ដ្ឋានផ្ទាល់។
លោកស្នងការបានលើកឡើងថា
ជាក់ស្ដែងក្រោយកិច្ចប្រជុំនៅសាលាខេត្ដម្ចាស់អាជីវកម្មការដ្ឋានប្រមូលធនធានរ៉ែមួយចំនួននៅតែបន្ដធ្វេីការដឹកជញ្ជូនធនធានរ៉ែថ្មចេញពីការដ្ឋានផ្ទុយនឹងល្មេីសស្មារតីអង្គប្រជុំ កងកម្លំាងនគរបាលបានចេញប្រតិបត្ដិការក្ដៅតាមចាប់រថយន្ដទាំងនោះដោយមានការចង្អលណែនាំពីលោក ឧត្ដមសេនីយ៍ស្នងការ ធ្វើការឃាត់រថយន្តដឹកធនធានរ៉ែថ្មនៅថៃ្ងទី០៩ ខែមិនា ឆ្នាំ២០១៩ បានចំនួន៥៦ គ្រឿង រថយន្តចំរុះចេញពីគ្រប់ការដ្ឋានទូទាំងខេត្ដ យកមករក្សាទុកបណ្ដោះអាសន្ននៅតាមគោលដៅមួយចំនួនដែលអាចចតទុកបាន ដោយរង់ចាំចំណាត់ការពីគណៈបញ្ជាការឯកភាពខេត្ត៕
