អាជ្ញាធរខណ្ឌចំនួនបីធ្វើសកម្មភាពបោសសម្អាតលាងបាញ់ទឹកនៅក្នុង នៅក្នុងភូមិសាស្ត្ររបស់ខ្លួន ដើម្បីលើកកម្ពស់សោភ័ណភាពនិងបរិស្ថានរាជធានីភ្នំពេញ
ភ្នំពេញ៖ ដើម្បីលើកកម្ពស់សោភ័ណភាពរាជធានីភ្នំពេញឲ្យកាន់តែមានភាពស្រស់បំព្រងនិងដើម្បីចូលរួម អបអរសាទរ បុណ្យចូលឆ្នាំថ្មីប្រពៃណីជាតិដែលនឹងប្រព្រឹត្តទៅ នាពេលខាងមុខនេះ រដ្ឋបាលរាជធានីភ្នំពេញបានដាក់ចេញជាវិធានការដើម្បីឲ្យអាជ្ញាធរពាក់ព័ន្ធធ្វើការសំអាត បរិស្ថាននៅក្នុងរាជធានីភ្នំពេញឲ្យកាន់តែល្អប្រសើរ។
ជាក់ស្ដែងនៅព្រឹកថ្ងៃទី០៤ខែមេសាឆ្នាំ ២០១៩នេះ អាជ្ញាធរខណ្ឌចំនួនបីបានធ្វើការបោសសម្អាតលាងបាញ់ទឹកនៅក្នុង នៅក្នុងភូមិសាស្ត្ររបស់ខ្លួន ក្នុងនោះមានខណ្ឌទួលគោក ខណ្ឌដូនពេញ និងខណ្ឌសែនសុខ ។
បើតាមមន្រ្តីរដ្ឋបាលរាជធានីភ្នំពេញបានឲ្យដឹងថា នៅព្រឹកថ្ងៃព្រហស្បតិ៍ ១៥រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩នេះ អាជ្ញាធរចំនួន៣បានធ្វើសកម្មភាពបោសសំអាត បាញ់លាងសំអាត កើបប្រមូលសំរាម និងសំអាតតាមដងផ្លូវសំខាន់ៗ ក្នុងភូមិសាស្ត្រខណ្ឌទួលគោក ខណ្ឌដូនពេញ និងខណ្ឌសែនសុខ ដើម្បីលើកកម្ពស់សោភ័ណភាពរាជធានីភ្នំពេញនិងដើម្បីអបអរសាទរ បុណ្យចូលឆ្នាំថ្មីប្រពៃណីជាតិដែលនឹងប្រព្រឹត្តទៅ នាពេលខាងមុខនេះ ៕