សង្ក្រាន្តកោះកែរ ខេត្តព្រះវិហារនៅថ្ងៃទី14-15-16 ខាងមុខនេះនឹងមានតារាចម្រៀង តារាសម្តែង និងក្រុមសិល្បៈរបាំចំនួន៧០រូបចូលរួមព្រឹត្តិការណ៍ដ៏អស្ចារ្យនេះ មិនចាញ់រាជធានីភ្នំពេញ
ខេត្តព្រះវិហារ៖សម្រាប់សង្ក្រាន្តកោះកែរ ខេត្តព្រះវិហារនៅថ្ងៃទី14-15-16 ខាងមុខនេះនឹងមានតារាចម្រៀង តារាសម្តែង និងក្រុមសិល្បៈរបាំចំនួន៧០រូបចូលរួមព្រឹត្តិការណ៍ដ៏អស្ចារ្យនេះ គឺមិនចាញ់សង្ក្រាននៅបណ្តាខេត្តផ្សេងៗនិងរាជធានីភ្នំពេញឡើយ។
បើយោងលើបណ្ដាញសង្គមផលិករល្បីឈ្មោះលោក នូ សុផេន មុននេះបានរំលេចវត្តមានតារាចម្រៀង និងសម្ដែងជាច្រើនដួងដែលនឹងចូលរួមសម្ដែងលើឆាកតន្ត្រីដ៏ធំក្នុងស ង្ក្រា ន្ត ឆ្នាំថ្មីនៅកោះកែចាប់ពីថ្ងៃទី14-15-16 ខាងមុខនេះ។
លោក នូ សុផេន ក៏បង្ហាញឡើងឲ្យដឹងដែរថា«តោះ ចង់ដឹងថាតារាចម្រៀងរូបណាខ្លះដែលមានវត្តមានចូលរួមក្នុងព្រឹត្តិការណ៍ព្រះវិហារសង្ក្រាន្តកោះកែរ!តារាចម្រៀង តារាសម្តែង និងក្រុមសិល្បៈរបាំចំនួន៧០រូប,នឹងចូលរួមព្រឹត្តិការណ៍ដ៏អស្ចារ្យនេះ សូមចូលរួមរាំលេងសប្បាយទាំងអស់គ្នា ព្រះវិហារសង្ក្រាន្តកោះកែរ ២០១៩ នារមណីយដ្ឋាន ប្រាសាទកោះកែរ»។ យ៉ាងណារំពេចពីការលើកឡើងដូចនេះហាក់ធ្វើឲ្យអ្នកគាំទ្រ ជាពិសេសអ្នកនៅស្រុកកោះកែរតែម្ដងសម្ដែងនូវចិត្តសប្បាយរីករាយជាខ្លាំង។
សូមបញ្ជាក់ថា រដ្ឋបាលខេត្តព្រះវិហារ សហការជាមួយអាជ្ញាធរជាតិព្រះវិហារ និងសហភាពសហព័ន្ធយុវជនកម្ពុជាខេត្តព្រះវិហារនឹងប្រារព្វ ពិធីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស ២៥៦៣ នៅបរិវេណរមណីដ្ឋានប្រាសាទកោះកេរ ជជាមួយតារាល្បីៗផងដែរ។
អាជ្ញាធរព្រះវិហារសូមអញ្ជើញពុកម៉ែ បងប្អូនទាំងអស់ ចូលរួមសប្បាយរីករាយ ជួបជុំមហាគ្រួសារខ្មែរ ក្រោមម្លប់សន្តិភាព រយះពេល៤ទសវត្សរ៍ដែលមានឈ្មោះថា “ព្រះវិហារសង្ក្រាន្តកោះកេរ” ក្នុងន័យអភិរក្សថែរក្សា វប្បធម៌ ប្រពៃណី ដ៏ផូរផង់របស់ដូនតាខ្មែរយេីង។
សូមទស្សនានូវពិពណ៌វិវឌ្ឍនភាពនិមិត្តក្រុងស្រុកទាំង៨ នៃខេត្តព្រះវិហារ និងទស្សនាទស្សនីយភាពសិល្បះបុរាណសម័យយ៉ាងសម្បូរបែបដែលចូលរួមពីតារាល្បីៗ ចាប់ពីថ្ងៃទី ១៤-១៥-១៦ ខែមេសា ឆ្នាំ២០១៩ នាបរិវេណរមណីដ្ឋានប្រាសាទកោះកេរ នៅក្នុងឃុំស្រយង់ ស្រុកគូលែន ខេត្តព្រះវិហារ៕ស្រីរ័ត្ន