ប្រធានផ្សារបឹងកេងកង៖នាំអាជីវកររាប់បាត្រប្រគេនព្រះសង្ឃនិង និមន្តព្រះសង្ឃសូត្រមន្តទទួលពរជ័យឆ្នាំថ្មី
ភ្នំពេញៈនាឱកាសបុណ្យចូលឆ្នាំខ្មែរប្រពៃណីជាតិនឹងជិតឈាន ចូលមកឆាប់ៗខាងមុខនេះកាលពីព្រឹកថ្ងៃទី០៦ខែមេសាឆ្នាំ២០១៩នេះលោកឯក និមល ប្រធានគណះកម្មការគ្រប់គ្រងផ្សារបឹងកេងកង ខណ្ឌចំការមនបានរៀបចំធ្វើពិធីនិមន្តព្រះសង្ឃ សូត្រមន្តលើករាសីសូមឱ្យទេវតាឆ្នាំថ្មីជួយ ថែរក្សាបីបាច់ដល់បងប្អូនអាជីវករផ្សារបឹងកេងកងទាំងអស់និង មន្រ្តីរាជការទាំងអស់សូមអោយជួបតែសេចក្តីសុខរីកចំរើននិងរកទទួលទានមានបាននាឱកាសបុណ្យចូលឆ្នាំថ្មីនាឆ្នាំនេះ។
ក្នុងឱកាសនោះក៏មានរៀបចំនិមន្តព្រះសង្ឃរាប់បាត្រ និងចូលរួមអបអរសាទរសង្រ្គាន្តឆ្នាំថ្មី(ឆ្នាំកុរ)។
លោកឯក និមល ប្រធានផ្សារបឹងកេងកងបានអោយដឹងថា ជានិច្ចកាលអោយតែជិតដល់ថ្ងៃបុណ្យចូលឆ្នាំខ្មែរ ខាងគណះកម្មការផ្សារបឹងកេងកងបានមូលមតិគ្នាជាមួយបងប្អូនអាជីវករផ្សារបឹងកេងកង ទាំងអស់រៀបចំពីធីសូត្រមន្តនិងរាប់បាត្រប្រគេនដល់ព្រះសង្ឃជាច្រើនអង្គដែល និមន្តមកពីបណ្ដាវត្តនានានៅក្នុងមូលដ្ឋានខណ្ឌចំការមនដើម្បីឧទ្ទិសកុសល្យផលបុណ្យជូនដល់បងប្អូនជីដូនជីតាដែលបានបាប់បង់ជីវិតទៅហើយសូមងាក ក្រោយអោយពរកូនចៅអោយជួបតែសំណាងល្អមានសេចក្ដីសុខសប្បាយ គ្រប់ៗគ្នាផងដែរ។
ជាមួយគ្នានេះប្រធានផ្សារក៏បានធ្វើទាន ជូនដល់អ្នកដែលមានជីវភាពខ្វះខាតផងដែរ។
