កាយដីដាក់លូមិនមានផ្លាកសញ្ញា បុរសម្នាក់ជិះម៉ូតូរអិលធ្លាក់លូស្លាប់

(កំពង់ស្ពឺ)៖ បុរសម្នាក់បានជិះម៉ូតូលើផ្លូវកាយដាក់លូ មិនមានផ្លាកសញ្ញាចរាចរណ៍ហាមឃាត់ បណ្ដាលឲ្យជ្រុលរអិលធ្លាក់ចូលលូ ស្លាប់នៅកន្លែងកើតហេតុ។ ករណីនេះមានការភ្ញាក់ផ្អើលនៅវេលាម៉ោង5និង30នាទីទៀបភ្លឺ ថ្ងៃទី07ខែមេសាឆ្នាំ2019នៅ លើផ្លូវលំក្រាលគ្រួសក្រហម ចំណុចភូមិជើងក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ។

អ្នកបើកបរឈ្មោះ ឈុន ប៊ុនថេត ភេទប្រុស អាយុ52ឆ្នាំ រស់នៅភូមិបុស្សតានៃ ឃុំកាហែង ស្រុកសំរោងទង ខេត្តកំពង់ស្ពឺ ជិះម៉ូតូ ម៉ាកហុងដាសេ125 សេរីឆ្នាំ2007 ពណ៌ខ្មៅ ពាក់ស្លាកលេខ កំពង់ស្ពឺ 1B.0728 ។
បើកបរពីត្បូងទៅជើង មកដល់ចំណុចកើតហេតុខាងលើ បានជិៈរអិលជ្រុលធ្លាក់ផ្លូវ ដែលកាយដាក់លូ ។
បណ្តាលឲ្យអ្នកឲ្យស្លាប់ ហើយវត្ថុតាងម៉ូតូ សមត្ថកិច្ចយកមករក្សាទុកនៅប៉ុស្តិ៍នគរបាលរដ្ឋបាលធម្មតាអរ រងចាំដោយះស្រាយតាមផ្លូវច្បាប់៕