គ.ជ.ប បង្ហាញពីកាលបរិច្ឆេទ និងទីតាំងសម្រាប់ការហែក្បួនឃោសនាបោះឆ្នោត របស់គណបក្សចំនួន១០ ក្នុងយុទ្ធនាការឃោសនា២១ថ្ងៃ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី៥ ខែកក្កដា ឆ្នាំ២០១៨នេះ បានចេញសេចក្តីប្រកាសមួយ ស្តីពីបញ្ជិរាយនាមគណបក្សនយោបាយ ដេលបានជុនដំណឹងស្តីពីការឃោសនា ជ្រើសតាំងតំណាងរាស្រ្ត នីតិកាលទី៦ ឆ្នាំ២០១៨ ចាប់ពី ថ្ងៃទី០៧ ដល់ថ្ងៃទី២៧ ខែកក្កដា ឆ្នាំ២០១៨។

បញ្ជីហែក្បួន ដែលបង្ហាញដោយគ.ជ.ប៖ ១)គណបក្សប្រជាជនកម្ពុជា នៅថ្ងៃទី៧ខែកក្កដា ទីតាំងឃោសនា កោះពេជ្រនិងងតាមបណ្តាខណ្ឌទាំង១២ ដែលមានកម្លាំងចូលរួមចំនួន៦០.០០០នាក់ ក្នុងនោះរថយន្ត ១.៧២០គ្រឿង ម៉ូតូ១៤.៤០០គ្រឿង។ ២)គណបក្សហ្វុនស៊ីនប៉ិច នៅថ្ងៃទី៧ខែកក្កដា ហែរក្បូនចេញពីទីស្នាក់ការគណបក្សសង្កាត់ជ្រោយចង្វា ហើយបញ្ចប់នៅធនាគារជាតិ ផ្លូវហាណូយ ដែលមានសមាជិកចំនួន២.០០០នាក់ រថយន្តតូច៤០គ្រឿង រថយន្តកូរ៉េ ៨០គ្រឿង និងម៉ូតូ៥០០គ្រឿង។ ៣)គណបក្សសម្ព័ន្ធដើម្បីប្រជាធិបតេយ្យ នៅថ្ងៃទី៧ខែកក្កដា ហែរក្បូនចេញពីផ្លូវ៦០ម៉ែត្រ បញ្ចប់នៅផ្លូវព្រះស៊ីសុវត្ថិ មាត់ទន្លេ ដែលមានកម្លាំងចូលរួមចំនួន១៥.០០០នាក់ រថយន្តតូចធំ៣០០គ្រឿង ម៉ូតូ៤.០០០គ្រឿង។ ៤)គណបក្សឆន្ទៈខ្មែរ នៅថ្ងៃទី៧ខែកក្កដា ហែរក្បូនចេញពីទីស្នាក់ការគណបក្សសង្កាត់ទន្លេបាសាក់ ហើយបញ្ចប់ស្នាក់នៅគណបក្សទន្លេបាសាក់ កម្លាំងចូលរួម៣០០នាក់ រថយន្ត២០គ្រឿង និងម៉ូតូ២០០គ្រឿង។ ៥) គណបក្សខ្មែររួបរួមជាតិ នៅថ្ងៃទី៧ខែកក្កដា ហែរក្បូនចេញពីផ្ទះលោកញ៉ឹក ប៊ុនឆៃ ឈប់សម្រាកអាហារថ្ងៃត្រង់ នៅជើងឯក ហើយបញ្ចប់នៅទីស្នាក់ការគណបក្ស ប៉ុន្តែគណបក្សនេះមិនបានប្រាប់ពីចំនួនកម្លាំងសមាជិកចូលរួមហែរនោះទេ។ ៦)គណបក្សយុវជនកម្ពុជា នៅថ្ងៃទី២២ខែកក្កដា ហែរក្បូនចេញពីទីស្នាក់ការគណបក្ស ហើយបញ្ចប់នៅទីស្នាក់ការគណបក្ស ដែលមានសមាជិកចំនួន១៥០នាក់ រថយន្ត២គ្រឿង ម៉ូតូកង់បី២គ្រឿង ម៉ូតូ៥០គ្រឿង។ ៧)គណបក្សប្រជាធិបតេយ្យមូលដ្ឋាន នៅថ្ងៃទី១០ខែកក្កដា ហែរក្បូនចេញពីទីស្នាក់ការគណបក្ស សង្កាត់គោកឃ្លាង មានសមាជិកចំនួន១.០០០នាក់ រថយន្ត១០០គ្រឿង ម៉ូតូកង់បី១០០គ្រឿង ម៉ូតូ៥០០គ្រឿង។ ៨)គណបក្សខ្មែរតែមួយ នៅថ្ងៃទី១១ខែកក្កដា ហែរក្បូនចេញពីទីស្នាក់គណបក្ស សង្កាត់ច្រាំងចំរេះ២ មានសមាជិកចំនួន១០០នាក់ រថយន្ត២គ្រឿង ម៉ូតូកង់បី៣គ្រឿង ម៉ូតូ៤០គ្រឿង។ ៩)គណបក្សធម្មាធិបតេយ្យ នៅថ្ងៃទី១៦ខែកក្កដា ហែរក្បូនចេញពីទីស្នាក់ការគណបក្ស ហើយបញ្ចប់នៅជ្រោយចង្វា មានសមាជិកចំនួន១៦៨នាក់ រថយន្ត១០គ្រឿង ម៉ូតូកង់បី ១០គ្រឿង និងម៉ូតូ៤០គ្រឿង និង១០) គណបក្សឆន្ទៈខ្មែរ នៅថ្ងៃទី២៥ ខែកក្កដា ហែរក្បូនចេញពីទីស្នាក់ការគណបក្ស សង្កាត់ទន្លេបាសាក់ បញ្ចប់នៅក្រុងតាខ្មៅ មានសមាជិកចំនួន៣០០នាក់ រថយន្ត២០គ្រឿង ម៉ូតូ២០០គ្រឿង។