បុរសម្នាក់បើករថយន្តទំនើបស្លាកលេខ ភ្នំពេញ 2AR 3386 បើកឡានបិះបុកគេ ហើយចុះមកវាយនាងមួយដៃដួលអុកគូទ និងគំរាមឲ្យទៅប្តឹង

ភ្នំពេញ៖ សាហាវខ្លាំងណាស់គ្រាន់តែស្រ្តីម្នាក់ស្តីឲ្យបន្តិចបន្តួចរឿងបើករថយន្តបិះបុកនាងកំពុងដើរ ស្រាប់បុរសទំនើងនោះចុះពីលើឡាន មកវាយនាងមួយដៃដួលអុកគូទនឹងថ្នល់ ហើយប្រើអំណាចជំរុញឲ្យនាងប្តឹងថែមទៀត។ ករណីហឹង្សា
មួយដែលបង្កឡើងដោយបុរសវ័យចំណាស់ម្នាក់បើករថយន្តទំនើបស្លាកលេខ ភ្នំពេញ 2AR 3386 ដោយសារតែខឹងស្ត្រីរងគ្រោះស្តីអោយថា បើកឡានលឿនប្រញាប់ទៅណា វិះនឹងបុកគាត់ទៅហើយ។ ហេតុការណ៍នេះបានកើតឡើងកាលពីថ្ងៃទី ៩ ខែមេសា ឆ្នាំ២០១៩ ដោយបុរសបង្កថែមទាំងដេញ ស្ត្រីរងគ្រោះអោយរត់ទៅប្តឹងថែមទៀតផង។

បើតាមគណនីហ្វេសប៊ុក Vanny Seven បានសរសេរថា
ថោកទាបណាស់អានរក សូមបងប្អូននឹង សមត្តកិច្ច ជួយរកយុទ្ធត្តិធម៌ឲ្យប្អូនស្រីខ្ញុំផង បុរស់ម្នាក់នេះបានប្រើអំហឹង្សារដាក់ប្អូនខ្ញុំហើយដេញឲ្យទៅប្ដឹងទៀត (គាត់ប្រហែលជាអ្នកមានលុយ មានអំណាចទើបគាត់ធ្វើអំពើឃោឃៅបែបនេះដាក់អ្នកទន់ខ្សោយ) លេខឡានជនដៃដល់ ភ្នំពេញ 2AR 3386
ជួយស៊ែរ! មូលហេតុគ្រាន់តែបងស្រីម្នាក់នេះសួរ ជិះឡានប្រញ៉ាប់ទៅណា ស្ទើរតែបុកគាត់ ស្រាប់តែចុះពីឡានហើយជេរថែមទាំងវ៉ៃមួយដៃ ផ្ងារក្រោយបោកក្បាល…!សុខចិត្តសុំក្រុមការងារយើងជួយផ្សាយ រឿងបុរសម្នាក់បើករថយន្ដរកបុកហើយ គ្រាន់តែជនរងគ្រោះសួរថា បើកប្រញាប់ទៅណា ក៏បុរសខាងលើខឹងចុះពីលើរថយន្ដមកវាយបណ្ដាលអោយបែកមាត់រងរបួស,….។

បើតាមម្ចាស់គណនី ហ្វេសប៊ុក Ben Vitu បានរៀបរាប់ថា៖ “សូមបងប្អូននឹង សមត្តកិច្ច ជួយរកយុត្តិធម៌ឲ្យប្អូនស្រីខ្ញុំផង បុរសម្នាក់នេះបានប្រើអំហឹង្សាដាក់ប្អូនខ្ញុំហើយដេញឲ្យទៅប្ដឹងទៀត (គាត់ប្រហែលជាអ្នកមានលុយ មានអំណាចទើបគាត់ធ្វើអំពើឃោឃៅបែបនេះដាក់អ្នកទន់ខ្សោយ) លេខឡានជនដៃដល់ ភ្នំពេញ 2AR 3386 សូមបញ្ចាក់ថ្ងៃកើតហេតុនេះគឺ ថ្ងៃអង្ការ ទី៩ ខែមេសា ឆ្នាំ២០១៩”។ ក្នុងនោះដែរមហាជន បានអំពាវនាវអោយសមត្ថកិច្ចជួយស្វែងរកជនដៃដល់ដែលបង្កហឹង្សារលើស្ត្រីទន់ខ្សោយផង ព្រោះស្គាល់ស្លាកលេខរថយន្តច្បាស់ណាស់៕