សមត្ថកិច្ចនគរបាល បញ្ជួនជនសង្ស័យ ឌួង ណាគ្រី ទៅតុលាការ
(ភ្នំពេញ) នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានមានប្រសាសន៍នៅថ្ងៃទី៣ ឧសភានេះថា ជនដែលបានប្រើអាវុធខ្លីបង្កហេតុបាញ់រថយន្ត Range Rover របស់ប្តីប្រពន្ធ២នាក់ក្នុងហេតុការណ៍មួយនារំលងអាធ្រាត្រ ឈានចូលថ្ងៃទី២ ឧសភា នៅមុខអធិការដ្ឋាននគរបាលខណ្ឌច្បារអំពៅកន្លងមកនេះ ត្រូវបានសមត្ថកិច្ចអនុវត្តនីតិវិធីបញ្ជូនទៅតុលាការ ដើម្បីធ្វើការផ្ទន្ទាទោស ។
ជនបង្កហេតុឈ្មោះ ឌួង ណាគ្រី ត្រូវបានសមត្ថកិច្ចចាប់ខ្លួន ក្រោយហេតុការណ៍កើតឡើងភ្លាមៗ និងបានបញ្ជួនមកឃុំនៅអង្គភាពតម្រួតបទបញ្ជាតាំងពីថ្ងៃទី២ឧសភា ។
ជម្លោះរវាងឈ្មោះ ឌួង ណាគ្រី ដែលជាមន្ត្រីនគរបាលនៃនាយកដ្ឋានព្រហ្មទណ្ឌក្រសួងមហាផ្ទៃ ជាមួយនឹងលោក ភូរិស្ស ស្តូរ៉ាន់ អគ្គនាយកក្រុមហ៊ុនសន្តិសុខ CPS ត្រូវបានដោះ ស្រាយដោយសំណងរដ្ឋប្បវេណី បានរួចរាល់ហើយ ។ ដោយឡែកជនបង្កឈ្មោះ ឌួង ណាគ្រី ត្រូវបានគេបញ្ជួនមកឃុំខ្លួននៅអង្គភាពតម្រួតបទបញ្ជា ។
បច្ចុប្បន្ន ជនបង្កហេតុរូបនេះ ត្រូវបានអនុវត្តនីតិវិធីបញ្ជូនទៅតុលាការ ដើម្បីអនុវត្តទោសតាមច្បាប់ហើយ ។
ចំណែកនៅលើផេកហ្វេសប៊ុក Kan chansopal បានសរសេរថា អុញនោះ ! ធ្ងន់ក ទៀតហើយ លោក ឌួង ណាគ្រី ខាងមន្ទីរគមនាគមន៍ក្រុង ឆែកស្លាកលេខឡាន RX330 ទៅ គឺអត់មានក្នុងបញ្ជី យានយន្តទេ ! គឺក្លែងស្លាកលេខ ព្រោះឡានអត់ពន្ធ ។
ឥឡូវនេះ សំណុំរឿង លោក ឌួង ណាគ្រី ត្រូវបទបញ្ជា ថ្នាក់លើ សម្រេចរុញឲទៅដល់ដៃតុលាការវិញហើយ បន្ទាប់ពីមានផ្ទុះរឿង ដ៏ចំរូងចំរាស់ ពីជនសង្ស័យដៃដល់ ធ្វើការបាញ់ប្រហារ ទៅលើជនរងគ្រោះ ប្តីប្រពន្ធប៊ិះស្លាប់ប៊ិះរស់ កាលពីយប់ម្សិលមិញ ហើយពុំត្រូវយកទៅអនុវត្តទោស នៅតុលាការក្រុងភ្នំពេញ។
នៅវេលាម៉ោងប្រហែល ៥រសៀលនេះ ជនសង្ស័យ ឌួង ណាគ្រី អនុប្រធានការិយាល័យព្រហ្មទណ្ឌក្រុង ត្រូវបានបញ្ជូនខ្លួនដល់ដៃ តុលាការក្រុងហើយ ! និងគ្រប់សារពត៍មានទាំងអស់ ក៏បានចូលរួមប្រម៉ាញ់ យ៉ាងយក៧០ទុកដាក់ផងដែរ អំពីរឿងនេះ ! ដើ៣ជៀសវាងផុតពី ពាក្យសំដីមហាជន នៃការអនុវត្តច្បាប់ ៕
