យ៉ត វណ្ឌីត្រឡប់មកសងសឹកជាមួយវ៉ាន់ វឿន
ភ្នំពេញ:អ្នកប្រដាល់ថៃយ៉ត វណ្ឌី(Yorth Vandy)ដែលធ្លាប់ប្រកួតក្នុងព្រឹត្តិការណ៍ខ្សែក្រវាត់ជាមួយវ៉ាន់
វឿនក្លិបឃ្លាំងមឿងកីឡាហើយត្រូវវ៉ាន់ វឿនវាយឲ្យសន្លប់នោះបានប្រកាសវ៉ៃសងសឹកនៅលើសង្វៀនWurkz របស់
អាស៊ីអាគ្នេយ៍រសៀលថ្ងៃទី៥ឧសភា ។
វ៉ាន់ វឿនគឺជាម្ចាស់មេដាយសមរិទ្ធស៊ីហ្គេមពេលនេះគេវ៉ៃកាន់តែល្អទោះបីជើងក្រោមរបស់គេជ្រាយបន្តិចក៏
ដោយតែមួយរយៈនេះគេកម្រនឹងចាញ់គូប្រកួតដោយសាខូចជើងនោះទេ ។ អ្នកប្រដាល់រូបនេះមានផ្លែវ៉ល្អទាំងកែង
ជង្គង់ ទាត់ និងកណ្ដាប់ដៃមិនតែប៉ុណ្ណោះគេការពារបានរឹងមាំទៀតផង ។
ចំពោះយ៉ត វណ្ឌីវិញទោះបីក្នុងព្រឹត្តិការណ៍ប្រកួតខ្សែក្រវាត់កន្លងមកគេធ្វើមិនបានល្អក៏ពិតមែនតែគេក៏ជាជើង
ខ្លាំងមួយរូបដែរ ។ គេមានកណ្ដាប់ដៃធ្ងន់ហើគេធ្លាប់ប្រើកណ្ដាប់ដៃផ្ដួលអ្នកប្រដាល់ជើងខ្លាំងម៉ន សាម៉េតក្លិបកងចក្រ
រាជសីហ៍ឲ្យសន្លប់នៅទឹកទី១ ។
អ្នកប្រដាល់ថៃរូបនេះមានប្រវត្តិប្រកួតចំនួន៧៥ដង ឈ្នះ៥៨ដង ចាញ់១៧ដង ។ ចំពោះអ្នកប្រដាល់កម្ពុជា
វ់ាន់ វឿនវិញគេមានប្រវត្តិប្រកួតចំនួន៧៥ដង ឈ្នះ៦០ដង ចាញ់១៣ដង និងស្មើពិន្ទុ២ដង ។គេជឿថាវ៉ាន់ វឿន នឹងឈ្នះយ៉ត វណ្ឌីម្ដងទៀត ។
សារឿន ចាន់ក្លិបតាព្រហ្មមានជ័យដែលមួយរយៈនេះការប្រកួតរបស់គេមិនសូវជួបសំនាងល្អនោះត្រូវបាន
ដាក់ឲ្យប្រកួតជាមួយអ្នកប្រដាល់ថៃយ៉ត ឆាក់ផេត(Yorth Chakphat) ។
អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៦០គីឡូក្រាម ។ អ្នកប្រដាល់ថៃរូបនេះពុំធ្លាប់មកប្រកួតនៅ
ស្រុកខ្មែរទេមិនដឹងថាគេមានស្ទីលវ៉ៃបែបណាឡើយ ។ ចំពោះសារឿន ចាន់គេជាអ្នកប្រដាល់ដែលរហ័សរហួននិង
មានផ្លែវ៉ៃល្អតែប៉ុន្មានឆនាំនេះគេហាក់ដូចជាស្រុតចុះច្រើនណាស់ ។
សារឿន ចាន់មានប្រវត្តិប្រកួតចំនួន១០២ដង ឈ្នះ៨១ដង ចាញ់១៩ដង និងស្មើពិន្ទុ ២ដង។ចំពោះអ្នកប្រដាល់
ថៃវិញគេមានប្រវត្តិប្រកួតចំនួន៦៣ដង ឈ្នះ៥៥ដង ចាញ់៨ដង ។សារឿន ចាន់ឬ យ៉ត ឆាក់ផេតជាអ្នកឈ្នះ ?