ជីករណ្តៅគ្រឹះក្បាលស្ពាន បាក់ដីសង្កត់ស្លាប់ម្នាក់ និងរបួសម្នាក់

មានករណីដីបាក់សង្កត់ស្លាប់មនុស្សម្នាក់ និងរបួសម្នាក់ ពេលដែលពួកគេជីករណ្តៅគ្រឹះក្បាលស្ពាន
កាលពីព្រឹកថ្ងៃទី០៩ឧសភា នៅចំណុចអូកញ្ជាន់ ស្ថិតក្នុងភូមិ៣ ឃុំត្រពាំងក្រហម ស្រុកកូនមុំ។

នគរបាលមូលដ្ឋាន បានឲ្យដឹងថា ជនរងគ្រោះទី១.ឈ្មោះ ម៉ន ចិត ភេទប្រុស អាយុ៤៥ឆ្នាំ ជនជាតិខ្មែរ មុខរបរកម្មករ ស្លាប់ និងទី២.ឈ្មោះ នៅ កន ភេទប្រុស អាយុ៤៥ឆ្នាំ ជនជាតិខ្មែរ មុខរបរកម្មកររងរបួសបាក់ជើង ។ អ្នកទាំងពីរ រស់នៅក្នុងភូមិឈើទាល ឃុំឬស្សីស្រុក ស្រុកពាមជ ខេត្តព្រៃវែង ៕