រថយន្តឡិចស៊ីសក្រឡាប់ខ្លួនឯង ស្លាប់ម្នាក់

កំពង់ឆ្នាំង៖ រថយន្ត lexus ក្រឡាប់ឲ្យខ្លួនឯង បណ្ដោយឲ្យស្លាប់ក្មេងស្រីម្នាក់ និងរបួសធ្ងន់ស្រាល៤នាក់ នៅថ្ងៃទី១០ ខែ​ឧសភា ឆ្នាំ២០១៩ វេលាម៉ោង ១១​ និង៣០ នាទី នៅចំណុចគោកព្រះ​ ភូមិសាស្រ្តឃុំច្រណូក ស្រុកកំពង់លែង​ ខេត្តកំពង់ឆ្នាំង​ ។

ហេតុគ្រោះថ្នាក់ចរាចរ ក្រឡាប់រថយន្តមួយគ្រឿង ម៉ាកឡិចស៊ីស RX 300 ពាក់ស្លាកលេខ​ សៀមរាប​ 2B 1169 បេីកបរដោយឈ្មោះ ផាត់ ធានី ភេទប្រុស អាយុ 60ឆ្នាំ រស់នៅខេត្តកំពង់ឆ្នាំង ដោយមានអ្នករួមដំណើរចំនួន ៧នាក់ បើកបរពីខេត្តកំពង់ធំ មកខេត្តកំពង់ឆ្នាំង លុះពេលមកដល់ ចំណុចកេីតហេតុខាងលើ ក៏បណ្តាលឲ្យក្រឡាប់រថយន្ត បានបណ្តាលឲ្យស្លាប់ក្មេងស្រីម្នាក់ ឈ្មោះ សុត​ ចាន់ជាស៊ី​ អាយុ​ ៣ឆ្នាំ​ និងរងរបួសធ្ងន់ស្រាល ចំនួន ៤​នាក់ផ្សេងទៀត​ រីឯរថយន្តបានរងការខូចខាតទាំងស្រុង៕