៣ថ្ងៃចុងសប្តាហ៍នេះក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តព្រះវិហារឃាត់រថយន្តធំៗជិត៥០គ្រឿងរកឃើញរថយន្តត្រឹមត្រូវតែ១៣គ្រឿងប៉ុណ្ណោះ

                                                                                                                                                    ខេត្តព្រះវិហារ៖ក្នុងរយះពេល៣ថ្ងៃចុងសប្តាហ៍នេះក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តព្រះវិហារបានធ្វើការឃាត់រថយន្តធំៗដឹកទំនិញបានចំនួនជិត៥០គ្រឿងហើយក្នុងចំនួននេះក្រុមការងាររកឃើញរថយន្តត្រឹមត្រូវតែ១៣គ្រឿងប៉ុណ្ណោះ។      

       លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារបានអោយដឹងថាក្នុងរយះពេល៣ថ្ងៃចុងសប្តាហ៍ពោលគឺចាប់ពីថ្ងៃសុក្រ០៧កើតខែពិសាខឆ្នាំកុរឯកស័កព.ស២៥៦២ត្រូវនឹងថ្ងៃ១០ខែឧសភាឆ្នាំ២០១៩ដល់ថ្ងៃអាទិត្យ០៩កើតខែពិសាខឆ្នាំកុរឯកស័កព.ស២៥៦២ត្រូវនឹងថ្ងៃ១២ខែឧសភាឆ្នាំ២០១៩នេះក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តព្រះវិហារបានធ្វើការត្រួតពិនិត្យយានយន្តសរុបចំនួន៤៩គ្រឿងក្នុងនោះពិនិត្យឃើញថាត្រឹមត្រូវមានចំនួនត្រឹមតែ១៣គ្រឿងប៉ុណ្ណោះ។

   លោកសំលាងទ្រីបានបញ្ជាក់ថាក្នុងចំនួនខាងលើនេះកាលពីថ្ងៃសុក្រ០៧កើតខែពិសាខឆ្នាំកុរឯកស័កព.ស២៥៦២ត្រូវនឹងថ្ងៃ១០ខែឧសភាឆ្នាំ២០១៩ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តព្រះវិហារបានធ្វើការត្រួតពិនិត្យយានយន្តសរុបចំនួន២០គ្រឿងក្នុងនោះពិនិត្យឃើញថាត្រឹមត្រូវចំនួន០៥គ្រឿងកាត់ទ្រុងនៅនឹងកន្លែងចំនួន០១គ្រឿងខ្វះឯកសារចំនួន១៤គ្រឿង  ។                                                                                                                                                                                                                                                                                         

     នៅថ្ងៃសៅរ៍០៨កើតខែពិសាខឆ្នាំកុរឯកស័កព.ស២៥៦២ត្រូវនឹងថ្ងៃ១១ខែឧសភាឆ្នាំ២០១៩បានធ្វើការត្រួតពិនិត្យយានយន្តសរុបចំនួន១៩គ្រឿងក្នុងនោះពិនិត្យឃើញថាត្រឹមត្រូវចំនួន០៦គ្រឿង                                                                                                                                                                                 សំពីងសំពោងចំនួន០២គ្រឿងខ្វះឯកសារចំនួន១១គ្រឿង។                                                                                                                                                                                                                                                                                                                                                                                        នៅថ្ងៃអាទិត្យ០៩កើតខែពិសាខឆ្នាំកុរឯកស័កព.ស២៥៦២ត្រូវនឹងថ្ងៃ១២ខែឧសភាឆ្នាំ២០១៩បានធ្វើការត្រួតពិនិត្យយានយន្តសរុបចំនួន១០គ្រឿងក្នុងនោះពិនិត្យឃើញថាត្រឹមត្រូវចំនួន០២គ្រឿងកាត់ទ្រុងនៅនឹងកន្លែងចំនួន០១គ្រឿង                                                                                                                                                       ខ្វះឯកសារចំនួន០៦គ្រឿងឯកសារក្លែងក្លាយចំនួន០១គ្រឿង។                                                                                                                                                                                                                                                                                                                                                                                                                                          គួររំលឹកថាកាលពីខែកុម្ភៈឆ្នាំ២០១៨កន្លងមកនេះសម្តេចតេជោហ៊ុនសែននាយករដ្ឋមន្ត្រីនៃកម្ពុជាក្នុងឱកាសដែរអញ្ជើញជាអធិបតីភាពបើកការដ្ឋានសាងសង់ស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាមទៅកាន់ទឹកដីនៃខេត្តត្បូងឃ្មុំសម្តេចតេជោហ៊ុនសែនដាក់ឱសានវាទចាប់ពីម៉ោង០០យប់ថ្ងៃទី៩កុម្ភៈតទៅគ្មានវត្តមានឡានតទ្រុងលើដងផ្លូវទៀតឡើយហើយបើមាននៅតំបន់ណាភូមិសាស្ត្រណាចៅហ្វាយខេត្តនិងក្រុងនោះជាអ្នកទទួលខុសត្រូវ។បើនរណាមកតវ៉ាឬអ្នកកាងទោះជាឋានៈណាក៏ដោយក៏ធ្លាក់បុណ្យស័ក្តិទាំងអស់និងបញ្ចូលព្រៃសតែម្តង៕