កាច់កញ្ចក់រថយន្តម៉ាកលុចសុីស៥៧០និងលុចសុីស៣៣០បានសម្រេចតែរត់មិនរួច

ភ្នំពេញ៖ជនសង្ស័យចំនួន២នាក់ត្រូវកម្លាំងនគរបាលឃាត់ខ្លួនក្រោយពីធ្វេីសកម្មភាពកាច់កញ្ចក់រថយន្តចំនួន២គ្រឿងម៉ាកលុចសុីស៥៧០និងលុចសុីស៣៣០និងរកឃេីញថ្នាំញៀន១កញ្ចប់ថង់តូចផងដែរ។

   ហេតុការនេះបានកើតឡើងកាលវេលាម៉ោង៤និង៣០នាទីទៀបភ្លឺថ្ងៃទី១៣ខែឧសភាឆ្នាំ២០១៩នៅចំណុចផ្លូវព្រះមុនីវង្សកែងផ្លូវ៣០២ស្ថិតនៅភូមិ២សង្កាត់បឹងកេងកងទី១ខណ្ឌចំការមន។

ជនសង្ស័យទី១ឈ្មោះចនខ្លឹងភេទប្រុសអាយុ៣៦ឆ្នាំមុខរបររត់ម៉ូតូឌុបស្នាក់នៅផ្ទះជួលផ្លូវបេតុងសង្កាត់ទួលសង្កែទី១ណ្ឌឬស្សីកែវទី២ឈ្មោះផែងសុខវិសាលភេទប្រុសអាយុ១៩ឆ្នាំស្នាក់នៅសង្កាត់វត្តភ្នំខណ្ឌដូនពេញ  ។

លោកគល់សុផាតមេប៉ុស្តិ៍រដ្ឋបាលបឹងកេងកងទី១ខណ្ឌចំការមនបានអោយដឹងថាកម្លាំងនគរបាលម៉ូតូល្បាតក្នុងភូមិសាស្រ្តដេីម្បីបង្ការបទល្មេីសលួចឆក់ក្នុងមូលដ្ឋានជាពិសេសតំបន់ក្មេងស្ទាវលួចសងំជក់គ្រឿងញៀនក្រោយមកក៏បានប្រទះឃេីញជនសង្ស័យ២នាក់ខាងលេីកម្លាំងនគរបាលយេីងឃាត់ឆែកត្រួតពិនិត្យរកឃេីញវត្ថុតាងរួមមានថ្នាំក្រាមសថ្លា១កញ្ចប់ថង់តូចសង្ស័យមានសារធាតុញៀនកូនសោលេខ១០មួយកូនសោលេខ៨មួយដែកសំប៉ែតចុងស្រួចចំនួន១ទុកសំរាប់កាច់កម៉ូតូទល់ឡឺវីសចំនួន១និងកញ្ចក់រថយន្តចំនួន២គូរក្នុងកាបូបស្ពាយពណ៍ខ្មៅហេីយនាំជនសង្ស័យទាំង២នាក់យកមកស្នាក់ការប៉ុស្តិ៍។

សមត្ថកិច្ចបន្តថាក្រោយពីសាកសួរនាំជនសង្ស័យបានទទួលស្គាល់បានលួចកាច់កញ្ចក់រថយន្តចំនួន២គ្រឿងទី១ម៉ាាកលុចសុី៥៧០នៅម្ដុំខាងក្រោយអតីតរោងកុនគីរីរម្យសង្កាត់បឹងកេងកងទី២ចំបួន១គូទី២លួចកាច់កញ្ចក់រថយន្តចំនួន១គ្រឿងម៉ាកលុចសុីស៣៣០នៅម្ដុំផ្លូវ៣៧០សង្កាត់បឹងកេងកងទី៣ខណ្ឌចំការមនបានចំនួន១គូរទៀតហេីយបានជិះម៉ូតូចំនិងនគរបាលយេីងល្បាតក៏ឃាត់បានតែម្ដង។បច្ចុប្បន្នជនសង្ស័យទាំង២នាក់រួមនិងវត្ថុតាងនិងកសាងសំណុំរឿងបញ្ជូលទៅអធិការដ្ឋាននគរបាលខណ្ឌចំការមនដេីម្បីចាត់ការតាមនីតិវិធីច្បាប់៕