ជនជាតិអាមេរិកម្នាក់ ប្រើប្រាស់សារធាតុញៀន រហូតស្លាប់
ភ្នំពេញ ៖ ជនបរទេសម្នាក់បានស្លាប់នៅចំណុចសណ្ឋាគារ ហូមថោន (Home town) ផ្ទះលេខ៣៥E0 ជាន់ទី៥ បន្ទប់លេខ៥០៣ ផ្លូវលេខ១៧២ ក្រុមទី១៩ ភូមិ៥ សង្កាត់ជ័យជំនះ ខណ្ឌដូនពេញ រាជធានីភ្នំពេញកាលពីថ្ងៃទី២៩ ខែឧសភា ឆ្នាំ២០១៩ វេលាម៉ោង១៤និង០០នាទី។
ជនរងគ្រោះឈ្មោះ DAUGHERTY ARRON RENE ជនជាតិ អាមេរិក (United States of America ) ភេទប្រុស អាយុ៣៦ឆ្នាំ មុខរបរ ទេសចរណ៍ កាន់លិខិតឆ្លងដែនលេខ។
ក្រោយពីសភាពការណ៍កើតឡើងកម្លាំងជំនាញខណ្ឌ នឹងប៉ុស្តិ៍បានចុះដល់ និងគ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញា និងការិយាល័យ បច្ចេកទេសវិឡាសាស្ត្រ និងការិយាល័យព្រហ្មទណ្ឌកំរិតធ្ងន់ ការិយាល័យអន្តោប្រវេសន៍ ដើម្បីបង្កើតគណៈកម្មាធិការធ្វើកោសល្យវិឆ្ច័យ ពិនិត្យសព។
ជាលទ្ធផលតាមការពិនិត្យការិយាល័យ ជំនាញបច្ចេកទេសបានបញ្ជាក់ សពស្លាប់ដោយសារគាំងបេះដូង (បណ្ដាយមកពីប្រើប្រាស់សារធាតុញៀនប្រភេទម៉កហ្វីន)។
សំភារៈជនរងគ្រោះរួមមាន ៖ ទូរស័ព្ទ (មិនស្គាល់ម៉ាក)ពណ៌ខ្មៅចំនួន០១គ្រឿង, កាតធនាគា(ATM) ចំនួន០១សន្លឹក, លុយដុល្លារចំនួន១៦ដុល្លាអាមេរិក, អត្តសញ្ញាញប័ណ្ណចំនួន០១សន្លឹកនិងខោអាវមួយចំនួន បានប្រគល់អោយ ការយាល័យអន្តោប្រវេសន៍។
ក្រោយពីពិនិត្យរួច ខាងជំនាញ បច្ចេកទេស បានដឹក សាកសព យកទៅតម្កល់នៅមន្ទីពេទ្យមិត្តភាពខ្មែរសូវៀត(ពេទ្យរុស្សី) ខណ្ឌចំការមន រាជធានីភ្នំពេញ៕
