នគរបាល ចាប់ឡានដឹកសត្វត្រកួត និងអណ្តើកជាង600គីឡូ បម្រុងលោតឆត្រទៅវៀតណាម
ភ្នំពេញ ៖ កំលាំងនគរបាលប្រឆាំងបទល្មើសសេដ្ឋកិច្ច រាជធានីភ្នំពេញ បានបង្ក្រាបរថយន្តស៊ីណាមួយគ្រឿង មានដឹកសត្វព្រៃជាច្រើន នៅរសៀលថ្ងៃ ទី០៣ មិថុនា នេះ ស្ថិតតាមបណ្តោយផ្លូវវ៉េងស្រេង បំណងឆ្ពោះទៅខេត្តតាកែវ ហេីយដឹកបន្តទៅប្រទេសវៀតណាម ដែលសត្វទាំងនោះមានត្រកួត និងអណ្តើកមានទម្ងន់ប្រហែលជាង៦០០គីឡូក្រាម ។
ស្នងការដ្ឋាននគរបាលរាជធានីភ្នំពេញ បានឲ្យដឹងថា
កំលាំងនគរបាលប្រឆាំងបទល្មើសសេដ្ឋកិច្ច រាជធានីភ្នំពេញ បានធ្វើការឃាត់រថយន្តToyota sienna ឆ្នាំ២០០៥ ពណ៌ទឹកប្រាក់ ពាក់ស្លាកលេខ ភ្នំពេញ2AQ – 9751 ដែលដឹកសត្វព្រៃខុសច្បាប់ រួមមានត្រកួត៣៥៦គីឡូក្រាម អណ្តើក២៨៦គីឡូក្រាម បើកបរដោយឈ្មោះ ឈាង រ៉េត ភេទប្រុសអាយុ៥៨ឆ្នាំ ដែលមានអាសយដ្ឋានឃុំត្រឡាច ស្រុកទ្រាំង ខេត្តតាកែវ៕
