នគរបាល មិនហ៊ានបញ្ជូនឃាតករសម្លាប់ក្មេង២នាក់ ទៅធ្វើត្រាប់ ព្រោះប្រជាពលរដ្ឋជិត៦០០នាក់ ប្រដាប់ដោយដុំថ្ម និងដំបង រង់ចាំស្វាគមន៍ ឃាតករ
ព្រះសីហនុ៖ ករណីជនដៃដល់ឈ្មោះ មាង វិចិត្រ ដែលសម្លាប់ក្មេង២នាក់ក្នុងបទល្មើសរំលោភសម្លាប់ លោកឧត្តមសេនីយ៍ទោជួន ណារិន្ទស្នងការនគរបាលខេត្តព្រះសីហនុអោយដឹងថា នគបាលបានសម្រេចលុបចោល គម្រោងថានឹងបញ្ជូនជនសង្ស័យទៅធ្វើត្រាប់នៅកន្លែងកើតហេតុនារសៀលថ្ងៃ៣មិថុនា២០១៩នេះ ដោយសារតែនៅទីនោះ មានប្រជាពលរដ្ឋពី៥ ទៅ៦០០នាក់ នឹងបន្ដមកថែមទៀតរង់ចាំនៅទីនោះ ដូច្នេះពួកគាត់អាចផ្ទុះកំហឹងខ្លាំង ឈានដល់ការវាយសម្លាប់ជនសង្ស័យ នឹងអាចប៉ះពារជាមួយកងកម្លាំងសមត្ថកិច្ចយើងទៀតផង។ ជាមួយគ្នានេះបើយោងតាមសេចក្ដីរាយការណ៍ ពីកន្លែងដែលនគរបាលគ្រោងនាំយកជនសង្សយ័ទៅធ្វើត្រាប់តាម បានឲ្យដឹងថា ប្រជាពលរដ្ឋដែលកំពុងរង់ចាំមើលមុខជនដៃដល់ទាំងអស់ នៅក្នុងដៃខ្លះក៏មានកាន់ដំបង ហើយខ្លះក៏មានកាន់ដុំថ្មផងដែរ ដោយពួកគាត់អះអាងថា នឹងវាយជនដៃដល់ដើម្បីបញ្ចេញកំហឹងជូនក្រុមគ្រួសារ ក៏ដូចជាជនរងគ្រោះទាំងពីរនាក់បងប្អូន ដែលបានស្លាប់ ។ ទោះជាយ៉ាងនេះក្តីលោកស្នងការបញ្ជាក់ថា ជនសង្សយ័នឹងបញ្ជូនទៅតុលាការដើម្បីផ្តន្ទាទោសតាមច្បាប់។
ថ្លែងនៅក្នុងសន្និសីទសារព័ត៍មានខ្លីកាលពីរសៀលថ្ងៃទី០៣ ខែមិថុនា ឆ្នាំ២០១៩នេះដែលជាការបង្ហាញមុខជនដៃដល់សម្លាប់ក្មេង២នាក់ ក្នុងស្រុកព្រៃនប់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បញ្ជាក់ថាជនសង្ស័យត្រូវបានលោកសួរនាំផ្ទាល់ និងត្រៀមកសាងសំណុំរឿងបញ្ជូនទៅកាន់តុលាការ ផ្ដន្ទាទោសតាមផ្លូវច្បាប់។
លោកឧត្តមសេនីយ៌ទោស្នងការ បានដកស្រង់យកចម្លើយជនដៃដល់រូបនេះមកបញ្ជាក់អោយដឹង ក្រោយការសួរចម្លើយផ្ទាល់ថា នេះមិនមែនជា បទល្មើសលើកទី១នេះឡើយ ដោយរូបគេធ្លាប់បានប្រព្រឹត្តបទល្មើសបែបនេះកាលពីពេលកន្លងទៅផងដែរ ក្នុងនោះរហូតមានការជាប់ ពន្ធនាគារទៀតផង។
លោកឧត្តមសេនីយ៍ស្នងការ បានបញ្ជាក់ឲ្យដឹងថា អំឡុងឆ្នាំ២០០១-២០០២ ជននេះបានចាប់រំលោភគេនៅស្រុកកំណើត ប៉ុន្ដែមិនបានសម្រេច រួចហើយបានរត់គេចខ្លួនចេញពីស្រុកកំណើត ទៅធ្វើជាកម្មករ សំណង់នៅព្រែកលាប ហើយបានលួចខ្សែភ្លើងរហូតម្ចាស់ប្តឹងចាប់ដាក់ពន្ធនាគារ។ ក្រោយចេញពីពន្ធនាគារជននេះបានទៅខេត្តពោធិ៍សាត់ ក៏ជួបប្រពន្ធរបស់ខ្លួននេះ ដែលជាស្ដ្រីមេម៉ាយកូន៥នាក់។ បន្ទាប់មកពួកគេទាំងពីរនាក់ បានចេញមកធ្វើសំណង់ នៅសង្កាត់ចោមចៅ ខណ្ឌពោធិ៍សែនជ័យ មុនបន្ដទៅធ្វើដំណើរនៅក្រុងបាវិត ខេត្តស្វាយរៀង នៅដើមឆ្នាំ២០១៨។
ពេលនៅក្នុងក្រុងបាវិត ជនម្នាក់នេះក៏បានចាប់រំលោភយុវតីម្នាក់ អាយុខ្ទង់១៤-១៥ឆ្នាំ រួចគេចខ្លួនជាមួយប្រពន្ធទៅធ្វើជាកម្មករសំណងនៅកន្លែងកើតហេតុ ក្នុងស្រុកព្រៃនប់ ខេត្តព្រះសីហនុ។
មុនពេលកើតហេតុជនដៃដល់រូបនេះ អង្គុយផឹកស្រាស នៅផ្ទះបានកន្លះលីត្រ ក៏ប្រើឲ្យប្រពន្ធរបស់ខ្លួន ជាស្ដ្រីមេម៉ាយកូន ៥នាក់ ទៅទិញពងទាកូនសម្រាប់ក្លែម។ ដោយសារតែប្រពន្ធទៅយូរពេក ខ្លួនបានបន្ដផឹកស្រារហូតដល់មួយលីត្រកន្លះ រួចក៏ដើរទៅតាមប្រពន្ធ ពេលឃើញក្មេងស្រីរងគ្រោះនៅក្នុងផ្ទះក៏ចូលទៅចាប់រំលោភទាំងកម្រោល និងប្រើហិង្សារសម្លាប់បំបិទមាត់ ពេលនោះកុមារាជាប្អូនបានឃើញដូច្នេះក៏ស្រែចយំ ជនសង្សយ័ក៏បានទះកំផ្លៀង៥-៦ដៃ ហើយទាត់ផ្ទប់ជញ្ជាំងស្លាប់មួយរំពេច មុននាំប្រពន្ធគេចខ្លួនទៅកាន់ស្រុកកំណើត នៅឯស្រុកមេសាង ខេត្តព្រៃវែង។
ឃាតករសម្លាប់កុមារពីរនាក់ បានសារភាពថា រូបគេបានសេពថ្នាំញៀន ហើយទិញថ្នាំស្រាផឹកអស់ មួយលីត្រកន្លះ ពេលស្រវឹងបានដើរទៅបន្ទប់ជួលមួយ ដែលនៅក្បែរគ្នា ឃើញក្មេងប្រុសស្រីពីរនាក់បងប្អូន កំពុងលេងនៅមុខបន្ទប់ វាបានអូសដៃក្មេងស្រីជាបង ចូលក្នុងបន្ទប់ហើយផ្តួលរំលោភ ខ្ទប់មាត់ថប់ដង្ហើម ប្អូនប្រុសអាយុជាង២ឆ្នាំ ឃើញដូចនេះ បានស្រែកយំខ្លាំងៗ ឃឃាតករបានវាយក្មេង៦ដៃពេញទំហឹង និងទាត់មួយជើងបត់កផ្ទប់ជញ្ជាំង ស្លាប់ភ្លាម រួចហើយទើបវាដើរចេញពីកន្លែងកើតហេតុ មកជួបនឹងប្រពន្ធ ហើយនាំគ្នារត់គេចខ្លួនមកខេត្តព្រៃវែង។
ខាងក្រោមនេះ ជារបាយការណ៍សង្ខេបចម្លើយសារភាពរបស់ជនសង្ស័យ ៖ នៅវេលាម៉ោង១:៣០នាទី ឈានចូលថ្ងៃទី០៣/០៦/២០១៩ ជនសង្ស័យឈ្មោះមៀង វិចិត្រ ភេទប្រុស ដែលជាឃាតករំលោភសម្លាប់កុមារពីរនាក់បងប្អូន ត្រូវបានបញ្ចូនពីនាយកដ្ឋាននគរបាល ព្រហ្មទណ្ឌ មកដល់ស្នងការដ្ឋាននគរបាលខេត្ដព្រះសីហនុ ។
តាមចម្លើយ របស់ឈ្មោះ មៀង វិចិត្រ ភេទប្រុសអាយុ២៦ឆ្នាំ បានអោយដឹងថា ៖ កាលពីថ្ងៃទី២៩ ខែ ឧសភា ឆ្នាំ២០១៩ ម៉ោងប្រហែល៧ព្រឹក វាបានទិញថ្នាំញៀន នៅម្តុំឆ្នេរអូរឈើទាល តំលៃ ៣៥,០០០រៀល មកជក់នៅដីឡូត៍មួយក្បែរបន្ទប់ជួល ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ នឹងបានទិញស្រាថ្នាំ១.៥លីត្រ មកផឹកថែមទៀត។ បន្ទាប់ពីផឹកស្រា និងប្រើប្រាស់គ្រឿងញៀនរួចហើយ វាបានដើរកាត់មុខបន្ទប់ជួល ដែលនៅចម្ងាយ៤០ម៉ែត្រពីបន្ទប់វា ក៏បានឃើញក្មេង ប្រុសស្រី ២នាក់ កំពុងលេងនៅមុខផ្ទះ ដោយគ្មាន មនុស្សចាស់នៅក្បែរ វាក៏បានអូសដៃក្មេងស្រីចូលទៅក្នុងផ្ទះរបស់ក្មេងទាំងពីរ ដោយនិយាយថាមីអូនទៅជាមួយពូ រីឯក្មេងប្រុសនៅខាងក្រៅផ្ទះដដែល។ ហើយក៏ច្រានក្មេងស្រីទៅលើកន្ទេល ដៃឆ្វេងរបស់វា ចាប់កដៃទាំងពីររបស់ក្មេងស្រី ឯដៃស្ដាំទាញស្រាតខោក្មេងស្រី និងលូកលេងប្រដាប់ភេទក្មេងស្រី ដោយយកម្រាមដៃកណ្ដាលរុកចូលជ្រៅ ខ្លាំងៗចំនួន៣ទៅ៤ដង ហើយបន្ទាប់មក ក៏ស្រាតខោខ្លួនឯង និងបានយកប្រដាប់ភេទរបស់វា រំលោភផ្លូវភេទក្មេងស្រីនោះតែម្តង ដោយយកដៃខ្ទប់មាត់ ខ្ទប់ច្រមុះថែមទៀត ពេលនោះក្មេងស្រីបស្រែកយំ ខ្សាវៗ ដោយការថប់ដង្ហើម ភ្លាមនោះក្មេងប្រុសជាប្អូន បានឃើញគេធ្វើបាបបងរបស់វា ក្មេងនោះ បានស្រែកយំខ្លាំងយ៉ាង។
ឈ្មោះមៀង វិចិត្រ បានសារភាពថា៖ ពេលដែលក្មេងប្រុសយំស្រែកខ្លាំងៗ វាក៏ក្រោកឡើង ស្ទុះទៅទះកំផ្លៀង៦ដៃខ្លាំងៗ និងទាត់១ជើងត្រូវកញ្ចឹងក បណ្ដាលឲ្យក្មេងប្រុសនោះបោកក្បាលនឹងជញ្ជាំងដោយមាន ឈាមប្រឡាក់ជាប់ ជញ្ជាំងផ្ទះ។ បន្ទាប់មកវាបានរត់ផ្លោះរបងចេញមកក្រៅ ហើយបានជួបប្រពន្ធរបស់វានៅតាមផ្លូវ វេលាម៉ោងប្រហែល១៤ (ជិតស្ពាន) ដែលមានចំងាយប្រហែល៦០ម៉ែត្រពីកន្លែងកើតហេតុ និងបានបបួលប្រពន្ធទៅស្រុកផ្ទះខាងប្ដី។ ៤០នាទីក្រោយវាក៏បានហៅម៉ូតូរ៉ឺម៉កកង់បី ជិះមកបេនឡាន មហោស្រពដោយឲ្យថ្លៃឈ្នួល៣០,០០០រៀល ។ វេលាម៉ោង១៥និង៣០នាទី ក៏ឡើង ជិះរថយន្ដឈ្នួលម៉ាកហាយឡែនឌឺទៅភ្នំពេញក្នុងតម្លៃ៤០.០០០រៀលក្នុង១នាក់ ម៉ោងប្រមាណ២៣យប់ ក៏ទៅដល់ភ្នំពេញ ហើយក៏បន្ដជិះ រថយន្ដឈ្នួលម៉ាកសាន់យុង ទៅកាន់ខេត្ដព្រៃវែង ក្នុងតម្លៃ២៥,០០០រៀលក្នុង១នាក់ បានទៅដល់ផ្ទះ នៅភូមិគ្រឿល ឃុំព្រៃរំដេង ស្រុកមេសាង ខេត្ដព្រៃវែង ស្នាក់នៅទីនោះរហូតដល់ថ្ងៃទី០២/០៦/២០១៩ វាត្រូវបានសមត្ថកិច្ចទៅឡោមព័ទ្ធ និងចាប់ខ្លួន តែម្ដង ៕
